عمران خان کے ویژن کے مطابق تعلیم ہماری اولین ترجیح ہے ،دیوان علی خان چغتائی
یکم اکتوبر سے کوئی بھی سرکاری ٹیچرغیر حاضر ہوگا نہ ٹھیکہ سسٹم چلے گا ، یکم اکتوبر تک تمام اساتذہ اپنی جائے تعیناتیوں پر حاضر ہوں ،وزارت چھوڑ سکتا ہوں حاضری پر کوئی کمپرومائز نہیںہوگا، نہ کسی کی سفارش سنوں گا نہ کسی کے ساتھ رعایت برتی جائیگی، وزیر الیمنٹری اینڈ سیکنڈری ایجوکیشن آزادکشمیر
جمعرات 23 ستمبر 2021 18:49
(جاری ہے)
کوئی سکول چھت کے بغیر نہیں رہے گا سب کو سہولیات فراہم کی جائیں گی۔
تعلیمی نظام میں کوئی سیاسی مداخلت نہیں ہوگی ، جسکا حق ہے اسکو ملے گا۔ این ٹی ایس کے گزشتہ میرٹ پر تحفظات کے باوجود جو لوگ میرٹ پر آئے ہیں انکی تقرریاں یکم اکتوبر کے بعد کررہے ہیں۔ عمران خان کے ویژن کے مطابق یکساں تعلیمی نصاب کا فیصلہ کر لیا ہے جلد وزیراعظم اس کولانچ کریں گے ۔یکم اکتوبر کے بعد بائیومیٹرک سسٹم کو مکمل فعال کریںگے اور موثر مانیٹرنگ سسٹم قائم کرینگے جس کی ہفتہ وار رپورٹ پیش کی جائیگی ۔ٹیچر لرننگ سسٹم لارہے ہیں تاکہ لٹریسی ریٹ کیساتھ کوالٹی آف ایجوکیشن بھی بڑھے ۔ پہلے مرحلے میں تمام ضلعی ہیڈکواٹرز پر ایک میل اور ایک فیمیل سکول کو ماڈل سکول بنائیں گے جو کوالٹی آف ایجویشن کی جانب پہلا قدم ہوگاجبکہ اس کے بعد دوسرے مرحلے میں اس سلسلے کو آگے بڑھائیں گے ۔ ایرا کے ساتھ ملکر سکولوں کی عمارات کو مکمل کریں گے ۔ پرائمری سکولوں کی عمارات کے کیلئے کورٹ کے ساتھ معاہدہ کیا ہے ۔ کرپشن اور بے ضابطگیوں کا جائزہ لیکر جو قصوروار ہوگا اسکو معاف نہیں کیا جائے گا ۔ احتساب کے عمل کو مزید مضبوط کررہے ہیں۔ ا ن خیالات کا اظہار انہوں نے محکمہ ایلیمنٹری اینڈ سیکنڈری ایجوکیشن کے جائزہ اجلاس سے خطاب اور اجلاس کے بعد پریس نمائندگان سے گفتگو کرتے ہوئے کیا۔ جائزہ اجلاس میں سیکرٹری ایلیمنٹری اینڈ سیکنڈری ایجوکیشن خواجہ محمد احسن ، سپیشل سیکرٹری تعلیم خالد محمود مرزا ، محکمہ ایلیمنٹری اینڈ سیکنڈری ایجوکیشن کے ڈائریکٹرز، ڈویژنل ڈائریکٹرز/ ڈی پی آئی اور ڈسٹرکٹ ایجوکیشن آفیسرز موجود تھے ۔ دیوان علی خان چغتائی نے کہاکہ عمران خان کے ویژن کے مطابق تعلیم ہماری اولین ترجیح ہے ، اساتذہ ہاتھوں میں قوم کا مستقبل ہے،تعلیمی اداروں سے آنے والی نسل آگے جا تی ہے ۔ میراخواب ہے کہ وادی لیپہ اور اسلام آباد کے سکول کے معیار کو برابر کر جائوں ۔ انہوں نے کہاکہ ادارے کے سربراہ کی ذمہ داری ہے کہ سوفیصد حاضری کو یقینی بنائے ، انتظامی افسران سکولوں کے سرپرائز وزٹ کر کے حاضری چیک کریں اس سے بہتری آئیگی،جہاں پر ٹیچر حاضر نہیں ہوگا اس ادارے کے پرنسپل کے ساتھ ڈسٹرکٹ ایجوکیشن افسر بھی جائے گا ،اساتذہ قابل احترام ہیں ، سارے اساتذہ ایک جیسے نہیں کچھ کالی بھیڑیں موجود ہیں جن کو درست کرنا ہے ۔ انہوں نے کہاکہ سکولوں میں پانی اور واش رومز کے مسائل ہیں جن کوترجیحی بنیادوں پر حل کریں گے۔اساتذہ کو سہولتیں دینگے اور تمام وسائل فراہم کریں گے ۔ معاملات کو یکسو کر کے بہتری کیلئے کام کرنا ہے ،کارکردگی بنیاد پر ٹرانسفراور پرموشن ہوں گی،آپس میں مل بیٹھ کر مسائل حل کریں گے ۔ جو منشور لیکر حکومت میں آئے اسکو عملی جامہ پہنانے کیلئے پالیساںبنا کر سوفیصد عملدرآمد یقینی بنائیں گے ۔ انہوں نے کہاکہ تعلیم کے ساتھ ساتھ تربیت بھی بہت ضروری ہے ،تعلیمی اداروں میں بچوں کو اخلاقیات بھی سکھائی جائیگی۔ قرآن مجید کی تعلیم اور مقامی زبانوں کو نصاب میں شامل کرنا بھی ہماری پالیسی کا حصہ ہے ۔ قرآن کریم ، سیرت النبیؐ اور صحت مندانہ سرگرمیوں کا بھی سسٹم کا حصہ بنانا ہے ۔ امتحانات کے سسٹم کو مزیدبہتر بنائیں گے ،ہر دو سے تین ماہ بعد بچوں کا اسسمنٹ ٹیسٹ ہونا چاہیے ۔انہوںنے ہدایت کی کہ وزیراعظم پاکستان کے بلین ٹری سونامی پراجیکٹ میں تمام تعلیمی ادارے حصہ لیں ۔ انہوں نے کہاکہ تعلیمی اداروں کی عمارات کیلئے 35سی40ارب درکار ہیں ۔ عمران خان آزادکشمیر کوبجٹ دینا چاہتے ہیں ان سے بھی لیں گے اور آئی ڈی پیز سے بھی لیں گے ۔عمران خان نے جس طرح گلگت بلتستان کو شعبہ تعلیم کو بہتر بنانے کیلئے 370ارب کے فنڈز دیے اسی طرح آزادکشمیر کو بھی500ارب فنڈز دینگے ۔ ایک سوال کے جواب میںدیوان علی خان چغتائی نے کہاکہ پرائیویٹ سکولوں کے حوالہ سے سپیشل سیکرٹری تعلیم خالد محمود مرزا کی سربراہی میں اتھارٹی قائم ہے جو15سے 20روزمیں ریاست بھر کے پرائیویٹ تعلیمی اداروں کا ڈیٹا فراہم کریگی جس کے بعد پرائیویٹ تعلیمی اداروں کے لیے موثر پالیسی بنائی جائیگی۔ ایک اور سوال کے جواب میں انہوں نے کہاکہ کوشش کریں گے کہ تھرڈ پارٹی کے ذریعے زیادہ سے زیادہ تعیناتیاں محکمہ تعلیم میں کریں تاکہ کم وقت میں نظام بہتر ہو۔سب سے بڑی ترجیح اساتذہ کی حاضری ہے ۔ اساتذہ کے الیکشن چھٹیوں کے دوران ہونے چاہیں تاکہ بچوں کی تعلیم متاثر نہ ہو۔ انہوں نے کہاکہ وزیراعظم آزادکشمیر نے جو ذمہ داری دی ہے اس پورا اتریں گے ۔ محکمہ تعلیم کی زبوں حالی لمحہ فکریہ ہے سب کو اپنے گریبان میں جھانکنا ہوگا۔ جو خرابیاں ہیں ٹھیک کریں گے ۔ عمران خا ن کے ویژن کو عملی جامہ پہنانے کیلئے تمام وسائل بروئے کار لائے جائیں گے ۔مظفر آباد میں شائع ہونے والی مزید خبریں
ہائی کورٹ کے چھ ججز نے تسلیم کیا ہے ان پر دبائو ہے ، سردار عبدالقیوم نیازی
دارالحکومت مظفرآباد میں گراں فروشی برداشت نہیں کریں گے،مشیر حکومت نثارہ عباسی
آزادکشمیر کے ادارے سرمایہ کاروں کو ریاست سے بھگانے کیلئے سرگرم سرکاری خزانے کو سالانہ کروڑوں روپے ..
مظفرآباد،محکمہ خوراک میں تبادلے تین ڈسٹرکٹ فوڈ کنٹرولر کا نوٹیفکیشن جاری
چوہدری انوارالحق کی شانگلہ میں چینی اہلکاروں پر دہشتگرد حملے کی مذمت
آزادکشمیر میں موجود سیٹ اپ تقسیم کشمیر پر ٹھپہ لگوانے کیلئے لایا گیا ہے،راجہ فاروق حیدر
سردار عتیق احمدکا چوہدری لطیف اکبر سے ہمشیرہ کی وفات پر اظہارافسوس
اسرائیل کی فلسطین پر جارحیت قابل مذمت ،غزہ میں غذائی قلت سے بچوں کی اموات ناقابل قبول ہیں، چیئرپرسن ..
اسسٹنٹ کمشنر کی دھیرکوٹ شہر میں کارروائیاں ، غیر قانونی تجاوزات اکھاڑ دیں،
انجمن تاجران باغ کے سابق صدر خان سلیم خان کے بڑے بھائی خان شبیر خان اچانک دل کا دورہ پڑنے سے انتقال کر ..
اسسٹنٹ کمشنر کا مجسٹریٹ میونسپل کارپوریشن ،لائیو سٹاک کے ہمراہ زبحہ خانہ پر چھاپہ ،لاغر جانور کا گوشت ..
محکمہ جنگلات پروفیشنل اور منظم ادارہ ہے حکومت اس کو مستحکم بنانے کے لئے تمام وسائل بروکار لائے گی،وزیرجنگلات ..
مظفر آباد سے متعلقہ
پاکستان کی تازہ ترین خبریں
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
-
سندھ حکومت کا اورنج لائن اور گرین لائن کو جوڑنے کے لئے شٹل سروس شروع کرنے کا فیصلہ
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
ملک بھر میں چائنیز کی سیکورٹی ہائی الرٹ، بم پروف بسوں کیلئے انتظامات کا آغاز
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
اسٹیل کی قیمتوں میں کمی کی وجہ سے کاروباری سرگرمیوں میں اضافہ ہو گیا
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا