کشمیر پریمیئر لیگ ؛ پاکستان کی خطے کے لوگوں سے 75 سالہ محبت کا عکس

کے پی ایل کا دوسرا سیزن 13 سے 26 اگست 2022ء تک مظفرآباد کرکٹ اسٹیڈیم میں کھیلا جائے گا

ساجد علی ہفتہ 6 اگست 2022 15:02

کشمیر پریمیئر لیگ ؛ پاکستان کی خطے کے لوگوں سے 75 سالہ محبت کا عکس

مظفر آباد ( اُردو پوائنٹ اخبارتازہ ترین ۔ 06 اگست 2022ء ) کشمیر پریمیئر لیگ صرف ایک کرکٹ لیگ ہی نہیں بلکہ اپنی جدت کے ساتھ کھیلوں کے اعتبار سے پاکستان کا ایک قومی اثاثہ اور خطے کا دوسرا بہترین برانڈ بن چکا ہے، عالمی معیار کی اس کرکٹ لیگ کے آغاز کا ایک مقصد یہ تھا کہ کشمیر کی کھیلوں کی کمیونٹی پر دیرپا اثر چھوڑا جائے تاکہ کرکٹ کا جنون رکھنے والے مقامی کھلاڑیوں کی بہتری کے لیے کام ہو اور کشمیر کرکٹ کا ایک قابل عمل مقام بنے۔

مقاصد کے حصول کے لیے سیزن ون کی کامیابی اہم تھی اور یہ خطہ کشمیر کے لوگوں کے درمیان ایک مثالی تبدیلی لانے کا باعث بنا، تقریباً 43.1 ملین لوگوں نے اس شوکیس ایونٹ کو دیکھا اور کشمیر پریمیئر لیگ سب سے زیادہ دیکھی جانے والی لیگوں میں سے ایک بن گئی، جس نے اس چیز کو آشکار کیا کہ لوگ اس خطے کو خاص طور پر کھیلوں کے حوالے سے کس طرح دیکھتے ہیں۔

(جاری ہے)

اپنے ابتدائی سیزن میں شاندار کامیابی سمیٹنے کے بعد کشمیر پریمئر لیگ کا دوسرا سیزن 13 سے 26 اگست 2022ء تک دل موہ لینے والے مظفرآباد کرکٹ اسٹیڈیم میں کھیلا جائے گا اور دن میں دو میچز ہوا کریں گے، جہاں پہلا میچ دوپہر 2 بجے شروع ہوگا تو دوسرے میچ میں شائقین کو شام 7 بجے اپنے من پسند کھلاڑیوں کو ایکشن میں دیکھنے کا موقع ملے گا۔

لیگ میں اس بار ایک نئی ٹیم ’جموں جانباز‘ کا بھی اضافہ کیا گیا ہے جس کے آئیکون پلیئر قومی ٹیم کے جارح مزاج اوپننگ بلے باز شرجیل خان ہیں اور ٹیم کے ساتھ بطور مینٹور اور کھلاڑی ’بوم بوم‘ شاہد خان آفریدی بھی جڑے ہوئے ہیں۔

ایونٹ میں شریک دیگر 6 ٹیمیں راولا کوٹ ہاکس، کوٹلی لائنز، مظفرآباد ٹائیگرز، میرپور رائلز، اوورسیز واریئرز اور باغ سٹالینز ہیں، ان ٹیموں میں بھی کرکٹ کی دنیا کے بڑے نام شعیب ملک، کامران اکمل، محمد عامر، اسد شفیق، محمد حفیظ اور خرم منظور بطور آئیکون پلیئرز ایکشن میں دکھائی دیں گے۔

دوسرے سیزن میں کے پی ایل بطور کرکٹ لیگ اپنے نئے براڈکاسٹ اور میڈیا پارٹنرز کے ساتھ براڈ کاسٹنگ کے لحاظ سے عالمی رجحان بنتا جا رہا ہے، لیگ کا دوسرا سیزن پہلے سیزن کی میراث کو آگے بڑھاتے ہوئے کرکٹ اور پروڈکشن کے معیار کو مزید بہتر بنائے گا جسے اس بار ایک بالکل نئے ٹائٹل اسپانسر "کنگڈم ویلی" کے اضافے کے ساتھ پیش کیا جارہا ہے، اس امید کے ساتھ کہ نیا ٹائٹل اسپانسر اس لیگ میں اب ایک نیا جذبہ لائے گا اور کشمیر پریمیئر لیگ کے برانڈ کو سرحدوں سے آگے بڑھانے کا باعث بنے گا۔

کشمیر پریمیئر لیگ کا ایک مقصد یہاں کے لوگوں کو ایک ایسا پلیٹ فارم فراہم کرنا ہے جہاں سے محبت، امن اور ہم آہنگی کا نظریہ پروان چڑھتا ہو کیوں کہ کرکٹ ایک ایسا کھیل ہے جو اس خطے کے لوگوں کو جوڑتا ہے اور کے پی ایل کا دوسرا سیزن اتحاد کا ایک ایسا تاثر پیدا کرنا چاہتا ہے جو آزادی کے 75 سال کے موقع کی عکاسی کرتا ہے، یہی وجہ ہے کہ اس کا ہیش ٹیگ اور ترانہ محبت اور جوش و جذبے کی نمائندگی کرتا ہے۔

کشمیر پریمیئر لیگ کا ہیش ٹیگ KheloAzaadiSe# آزادی کا احساس دلاتا ہے اور اس کا ترانہ کرکٹ کی روح بن کر گونجتا ہے جس کے لیے اس بار آئمہ بیگ اور ساحر علی بگا نے اپنی آواز کا جادو جگایا ہے، یہ نغمہ ناصرف کھلاڑیوں میں جوش اور ولولہ پیدا کرتا ہے بلکہ اس کے ذریعے جنت نظیر وادی کے دلکش نظاروں کی بھی بھرپور منظرکشی کی گئی ہے، اس نغمے سے آپ بھی لطف اندوز ہوں؛

Facebook Twitter Reddit Pinterest Whatsapp

مظفر آباد میں شائع ہونے والی مزید خبریں

مظفرآباد ، ٹرانسپورٹ اتھارٹی نے غیر قانونی ٹائم ٹیبل منسوخ کر دیا

اے جے کے ٹیوٹا میں جعلی ڈگریوں ،جعلی ڈپلومہ جات کے حامل امیدواروں کو بھرتی کیے جانے کا انکشاف

مانک پیاں مہاجر کیمپ بی 2کے ٹرانسفارمر کا مسئلہ تاحال حل نہ ہوسکا

ئی استحصال سے نجات اور بنیادی عوامی حقوق کے تحفظ کی جاریہ تحریک کا فیصلہ کن دن ہیِ،زاہد امین

مظفرآباد ، انتظامیہ کی جانب سے بارہا کیے جانے والے نوٹیفکیشنز، دفعہ 144 کا نفاذ فوٹو سیشن نکلا

مظفرآباد ،ضلعی انتظامیہ کی کمزور گرفت،ایوارڈ یافتہ رقبہ جات سمیت خالصہ سرکار پر قبضوں کا تسلسل بدستور ..

مظفرآباد، ٹیکس چوروں کی پشت بانی، سہولت کاروں نے حکومت اور اداروں کو دھمکانا شروع کر دیا

چوہدری لطیف اکبر کی مقبوضہ کشمیر اور فلسطین میں مسلسل ہونے والی خونریزی سے پیدا ہونے والی تشویشناک صورتحال ..

چیف جسٹس آزاد کشمیر جسٹس راجہ سعید اکرم خان ودیگر ججز کا چودھری لطیف اکبر سے ہمشیرہ کی وفات پر اظہار ..

چیف جسٹس آزاد کشمیر کا چوہدری لطیف اکبر کی ہمشیرہ کی وفات پر اظہار تعزیت

محتسب اعلی آزاد کشمیر کی عدم تعیناتی پر ریاست بھر میں چہ مگوئیاں شروع

ضمنی انتخابات میں سندھ اور پنجاب میں پاکستان پیپلز پارٹی کی شاندار کارکردگی عوامی اعتماد کا مظہر ہے،خورشید ..

کشمیر پریمیئر لیگ ؛ پاکستان کی خطے کے لوگوں سے 75 سالہ محبت کا عکس

کے پی ایل کا دوسرا سیزن 13 سے 26 اگست 2022ء تک مظفرآباد کرکٹ اسٹیڈیم میں کھیلا جائے گا

متعلقہ عنوان :

مظفر آباد میں شائع ہونے والی مزید خبریں

مظفر آباد سے متعلقہ

پاکستان کی تازہ ترین خبریں

پاکستان کے مشہور شہروں کی خبریں