ڈپٹی کمشنر مظفرگڑھ کے سبزیوں اور پھلوںکی مقرر کردہ نرخوں پر فراہمی کیلئے مختلف بازاروں کے دروے شروع

بدھ 13 نومبر 2019 17:43

مظفر گڑھ ۔ (اُردو پوائنٹ اخبارتازہ ترین - اے پی پی۔ 13 نومبر2019ء) حکومت پنجاب کی ہدایت پر ضلع مظفرگڑھ میں عوام کو معیاری، سستی اور وافر مقدار میں سبزیوں اور پھلوں کی فراہمی کیلئے ڈپٹی کمشنر مظفرگڑھ نے دورے شروع کر دیئے۔ منڈیوں میں سیکورٹی کے بہتر انتظامات کے لئے ڈی پی او کا بھی ڈپٹی کمشنر کے ہمراہ دورہ۔ڈپٹی کمشنر کی جانب سے منڈی میں مختلف پھلوں اور سبزیوں کی نیلامی، اوزان اور نرخوں کا تفصیلی معائنہ کیا ۔

تفصیل کے مطابق حکومت پنجاب کی جانب سے عوام کو معیاری اور سستی سبزیاں اور پھلوں کی فراہمی کو یقینی بنانے کی ہدایات پر گزشتہ روز ڈپٹی کمشنر علی شہزاد نے اسسٹنٹ کمشنر رانا شعیب، ڈپٹی ڈائریکٹر زراعت شیخ محمد یوسف اور مارکیٹ کمیٹی کی ٹیم کے ہمراہ سبزی منڈی کا دورہ کیا۔

(جاری ہے)

منڈی میں ڈپٹی کمشنر نے مختلف قسم کی سبزیوں اور پھلوں کی نیلامی کے عمل کا تفصیلی جائزہ لینے کیساتھ ساتھ اوزان اور نرخوں کا بھی تفصیلی جائزہ لیتے ہوئے منڈی میں موجود خریداروں سے بھی بات چیت کرتے ہوئے مندی میں مذکورہ اشیاء کے نرخوں اور سہولیات کے بارے بات چیت کی اسی طرح مندی میں سیکورٹی کے انتظامات کا جائزہ لینے کے لئے انکے ہمراہ ڈی پی او صادق علی ڈوگر نے بھی تفصیلی دورہ کیا اور مختلف قسم کی ہدایات جاری کی۔

اس موقع پر ڈپٹی کمشنر کا کہنا تھا کہ عوام کو معیاری، سستی سبزیوں اور پھلوں کی فراہمی کو یقینی بنانے کے لئے منڈیوں کے معائنے کا آغاز کردیا گیا جوکہ وقفے وقفے سے ضلع کی تمام سبزی منڈیوں میں جاری رہے گا۔انہوں نے مزید کہا کہ منڈی میں عوام الناس کو موجود وسائل کو بروئے کار لاتے ہوئے تمام تر سہولیات فراہم کی جائیں۔

متعلقہ عنوان :

مظفر گڑھ میں شائع ہونے والی مزید خبریں