مظفرگڑھ،ڈپٹی کمشنر مظفرگڑھ سید موسیٰ رضا کا ضلع کے تمام ہسپتالوں کے اچانک دوروںکا سلسلہ جاری

ہفتہ 16 اکتوبر 2021 19:11

مظفرگڑھ۔16اکتوبر(اُردو پوائنٹ اخبارتازہ ترین - اے پی پی - اے پی پی۔ 16 اکتوبر2021ء) :ڈپٹی کمشنر مظفرگڑھ سید موسیٰ رضا کا ضلع کے تمام ہسپتالوں کے اچانک دوروںکا سلسلہ جاری۔ ڈپٹی کمشنر نے تحصیل ہیڈکوارٹر ہسپتال جتوئی کا اچانک معائنہ کیا۔ہسپتال میں موجود عملے اور ڈاکٹرز کی حاضری چیک کی اور دوائیوں کے سٹاک کا معائنہ کیا۔انہوں ہسپتال میں موجود مریضوں کی عیادت کی اور ان سے سہولیات کے بارے پوچھا۔

(جاری ہے)

ڈپٹی کمشنر نے اس موقع پر بات کرتے ہوئے کہا کہ حکومت پنجاب کے وژن کے مطابق عوام کو صحت کی بہترین سہولیات کی فراہمی ہماری اولین ترجیح ہے۔انہوں نے کہا کہ تمام ہسپتالوں کی انتظامیہ اپنے معاملات بہتر کرے۔عوام کو علاج و معالجہ کی فراہمی کے عمل میں کسی قسم کی کوتاہی برداشت نہیں کی جائے گی۔بلکہ کوتاہی برتنے والوں کے خلاف کاروائی کی جائے گی۔علاوہ ازیں ڈپٹی کمشنر نے ایم ڈی سمال انڈسٹریز جمیل احمد جمیل لسکانی کے چچا کی وفات پر ان کے گھر جاکر تعزیت کا اظہار کیا اور مرحوم کے درجات کی بلندی کے لئے دعا کی۔اس موقع پر ایم ڈی سمال انڈسٹریز جمیل احمد جمیل لسکانی اور لسکانی برادری کے چیف عبدالعزیز لسکانی بھی موجود تھے۔