سینیٹر روبینہ خالد کی زیر صدارت سینیٹ کی قائمہ کمیٹی برائے انفارمیشن ٹیکنالوجی و ٹیلی کمیونیکیشن کا اجلاس
رواں سال مون سون میں بھارت نے بغیر اطلاع پانی کا بہائو پاکستان کی طرف کیا جس کے باعث سیلاب آیا ،نیشنل فلڈ پروٹیکشن پلان پر کام جاری ہے جس میں تمام صوبوںکو بھی شامل کیا جائیگا ، ایف آئی اے میں سائبر کرائم کو دیکھنے کیلئے صرف15 افسران موجود ہیں ، آنیوالے وقت میں 400 افسران اس کام کیلئے بھرتی کیے جائیں گے ، تحقیقات کے دفاتر کی تعداد5 سے بڑھا کر 15 کر دی جائیگی،قائمہ کمیٹی کو بریفنگ
جمعرات 22 اگست 2019 20:05
(جاری ہے)
کمیٹی کے اجلاس میںآفات سے نمٹنے کے انتظامی امور کیلئے انفارمیشن ٹیکنالوجی کی ایپلی کیشن اور کمیٹی میں دی جانے والی ہدایات کے مطابق اسلام آباد میں آئی ٹی پارک کے قیام کے علاوہ ایگنائٹس اور NR3C کے ای گورننس اور سائبر کرائم سے روک تھام کے بچائو پر اٹھائے گئے اقدامات پر تفصیلی بریفنگ دی گئی ۔
کمیٹی کے اجلاس میںسینیٹرز رحمان ملک ، غوث محمد نیازی ، انجینئر رخسانہ زبیر ی ، مولانا عبدالغفور حیدری ، میاں عتیق شیخ ، فیصل جاوید اور کلثوم پروین کے علاوہ وزارت آئی ٹی ، این ڈی ایم اے اور ایف آئی اے کے حکام نے شرکت کی ۔ کمیٹی کے اجلاس میں نیشنل ڈیزاسٹر مینجمنٹ اتھارٹی نے آفات سے نمٹنے کیلئے انتظامی امور پر بحث کرتے ہوئے کمیٹی کو بتایا گیا کہ رواں سال مون سون میں انڈیا سے پاکستان دریائے ستلج میں2 لاکھ40 ہزار کیوسک کا سیلاب دیکھا گیا جس میں پاکستان کو مطلع کیے بغیر پانی کا بہائو کر دیا گیا ۔ تاہم بعدازاں حکومت نے نوٹس لیتے ہوئے انڈیا سے پانی کا بہائو پاکستان کی طرف کرنے سے پہلے وارننگ جاری کرنے کا کہا ۔ سینیٹر رحمان ملک نے ملک میں سیلابی صورتحال پر قابو پانے کیلئے سیلابی پانی کو قابل استعمال بنانے کی ضرورت زور دیا ۔ انہوں نے کہا کہ پاکستان کی جغرافیائی حدود میں آفات سے بروقت نمٹنے کیلئے سپارکو اور سیٹلائیٹ سروسز کو متحرک کرنے کی ضروت ہے ۔ کمیٹی کے آئندہ اجلاس میں سپارکو اور سیٹلائیٹ سروسز مہیا کرنے والے متعلقہ ادارے کو طلب کر لیا ۔ این ڈی ایم اے ممبر نے بریفنگ کے دوران کمیٹی کو بتایا کہ نیشنل فلڈ پروٹیکشن پلان پر کام جاری ہے جس میں تمام صوبوںکو بھی شامل کیا جائے گا اس کے ساتھ ساتھ ڈیزاسٹر انفارمیشن مینجمنٹ سسٹم بھی پیش کیا جارہا ہے جس پر سینیٹر رحمان ملک نے اس معاملے سے متعلق قوانین بنانے کی ضرورت پر زور دیتے ہوئے آئندہ اجلا س میں کیبنٹ میں پیش کیے گئے ایکٹ2019 کی تفصیلات طلب کر لیں ۔ کمیٹی کے اجلاس میں کشمیر کی موجود ہ صورتحال پر تفصیلی بحث کرتے ہوئے کشمیر میں بھارتی افواج کے غیر انسانی سلوک ، ظلم و بربریت کو دنیا کے سامنے لانے کیلئے سوشل اور الیکٹرانک میڈیا کے کردار کی اہمیت پر زور دیا گیا تاہم گوگل ، ٹویٹر اور فیس بک انڈیا کی مداخلت کے باعث ان واقعات کو منظر عام پر لانے سے گریز کر رہے ہیں جس کی کمیٹی نے شدید الفاظ میں مذمت کرتے ہوئے پاکستان سٹیلائیٹ کو اپنا کر دار ادا کرنے کی ہدایات جاری کیں، اس کے ساتھ قائمہ کمیٹی نے بھارتی افواج کے ہاتھوں چند برہم کی گرفتاری پر بھی شدید الفاظ میں مذمت کی گئی ۔ سینیٹر مولانا عبدالغفور حیدری پر قاتلانہ حملے کے بعد اب تک سیکورٹی فراہم نہ کرنے کی بھی مذمت کی گئی اور جلد سے جلد سیکورٹی فراہم کرنے کی سفارش کی گئی ۔ قائمہ کمیٹی کے اجلاس میں ملک میں بڑھتی ہوئی سائبر کرائم کی شرح پر تشویش کا اظہار کرتے ہوئے چیئرپرسن کمیٹی سینیٹر روبینہ خالد نے کہا کہ سابق سینیٹر اعتزاز احسن کے نام سے وائرل ہونے والی خبر نہ صرف جھوٹی ہے بلکہ اس کی شدید الفاظ میں مذمت کرتے ہیں اور ایف آئی اے اسے معاملے کی تحقیقات کرائی جائیں گی ۔ این آر سی کے ای گورننس سے متعلق اٹھائے گئے اقدامات پر بریفنگ کے دوران بتایا گیا کہ ای گورننس کے ذریعے گورنمنٹ سروسز کی فراہمی ، کاغذ ، فون و دیگر اخراجات میں واضح کمی دکھی جا سکتی ہے مزید برآں پاکستان میں ای گورننس کے ذریعے سرکاری محکموںمیں کرپشن کی روک تھام بھی کی جا سکتی ہے ۔ اس سلسلے میں ملک میں وفاقی صوبائی اور مقامی سطح پر ای گورننس کو متعارف کرانے کیلئے اقدامات اٹھائے جا رہے ہیں جس کے تحت مختلف پروگرامز شروع کر دیئے گئے ہیں ۔ سائبر کرائم کے حوالے سے بریفنگ دیتے ہوئے ایف آئی اے کے ڈائریکٹر نے کمیٹی کو بتایا کہ اس حوالے سے کی گئی تفتیش و تحقیقات میں پیش آنے والی مشکلات کے بارے میں آگاہ کیا ۔ کمیٹی کو بتایا گیا کہ اس وقت ایف آئی اے میں سائبر کرائم کو دیکھنے کیلئے صرف15 افسران موجود ہیں ۔ آنے والے وقت میں 400 افسران اس کام کیلئے بھرتی کیے جائیں گے ۔ تحقیقات کے دفاتر کی تعداد5 سے بڑھا کر 15 کر دی جائے گی ۔ قائمہ کمیٹی نے ایف آئی اے کو سائبر کرائم سے متعلق مسائل کو ایگنائٹ کی معاونت کے ساتھ حل کرنے کی ہدایات جاری کر دیں ۔ قائمہ کمیٹی نے وزارت آئی ٹی کو پی ٹی اے اور ایف آئی اے کے درمیان مسائل حل کرنے کیلئے معاون کردارادا کرنے کی بھی ہدایات جا ری کی گئیں ۔متعلقہ عنوان :
ننکانہ صاحب میں شائع ہونے والی مزید خبریں
آر پی او شیخوپورہ کا ضلع ننکانہ صاحب کا دورہ ،آر پی او کی ڈی پی او دفتر میں پولیس انٹرن شپ پروگرام کے ..
ایڈیشنل ڈپٹی کمشنر ریونیو ننکانہ صاحب کی زیرصدارت ریونیو ریکوری کے ٹارگٹ کو بروقت مکمل کرنے کے حوالے ..
ڈپٹی کمشنر ننکانہ صاحب کا تحصیل ہیڈ کوارٹر ہسپتال شاہکوٹ میں مریض اورچارج نرس کی ویڈیو بنانے کا سخت ..
ڈپٹی کمشنر ننکانہ صاحب اور ممبر صوبائی اسمبلی مہر کاشف رنگ الہی پڈھیار کاکشمیر روڑ پر قائم رمضان بازار ..
ڈپٹی کمشنر ننکانہ صاحب اور ڈسٹرکٹ پولیس آفیسر کی سربراہی میں پتنگ بازی کے خلاف آگاہی واک کا انعقاد
ننکانہ صاحب کے نواح تھانہ سید والا پولیس کی کارروائی،2موٹرسائیکل چورگرفتاراور5موٹرسائیکل برآمد
رجسٹرڈ خاندانوں کو نگہبان رمضان پیکیج کے تحت فوڈ ہیمپرز ان کے گھر کی دہلیز پر پہنچانے کا عمل مزید تیز ..
ننکانہ صاحب میں ضلعی انتظامیہ نے کارروائی ،30 لاکھ 53 ہزار 500 سو جرمانہ عائد
ننکانہ صاحب،ریچھ کا تماشا دکھانے والے 5 افراد گرفتار
سانگلہ ہل شہر اور گردونواح میں چوری ڈکیتی او رراہزنی کی وارداتوں کا سلسلہ نہ تھم سکا
سانگلہ ہل رفاعی و فلاحی تنظیم نعمت ٹرسٹ کی جانب سے کم آمدن والے سینکڑوں گھرانوں میں رمضان راشن تقسیم ..
ضلع بھر میں شجر کاری مہم کے تحت نئے پودے لگانے کا کام تیز ی کے ساتھ جاری ہے ،ڈپٹی کمشنر ننکانہ
ننکانہ صاحب سے متعلقہ
پاکستان کی تازہ ترین خبریں
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
ہفتہ وار مہنگائی میں معمولی کمی، 4 اشیائے ضروریہ مہنگی، 18 سستی ہوئیں
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
گزشتہ تین روز میں سونے کی فی تولہ قیمت میں 5 ہزار 400 روپے بڑا اضافہ ہوگیا
-
لاہورہائیکورٹ،عون چودھری کی این اے 128 سے کامیابی کیخلاف درخواست سماعت کیلئے مقرر کرنے کا حکم
-
خواجہ سلمان رفیق کا گنگارام ہسپتال کا دورہ، مدر اینڈ چائلڈ بلاک میں جاری ری ویمپنگ منصوبے کا جائزہ لیا
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
پاکستان سٹاک ایکسچینج میں 137 پوائنٹس کی کمی
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی