حضرت محمد ﷺ کی حیات جاوداں ہمارے لئے مشعل راہ ہے ،احمد کمال مان

پاکپتن (اُردو پوائنٹ اخبارتازہ ترین - این این آئی۔ 17 نومبر2020ء) ڈپٹی کمشنر احمد کمال مان نے کہا ہے کہ حضرت محمد ﷺ کی حیات جاوداں ہمارے لیے مشعل راہ ہے ، حضور اکرم ﷺ کی آمد سے جہاں ایک طرف جہات و تاریکی کا خاتمہ ہوا تو دوسری جانب اس مبارک ہستی کے ظہور سے تمام کائنات نور سے منو ر ہوگئی ، کامیاب زندگی گزارنے کا ایک سنہری اصول یہ ہے کہ ہم اپنے تمام امور میں رسول اکرم ﷺ کی حیات طیبہ کی پیروی کریں اس سے ہی دنیا و آخرت میں سرخروئی ممکن ہے ، یہ باتیں انہوں نے میونسپل کمیٹی ہال میں ہفتہ شان رسالت ﷺ کے سلسلہ میں نعتیہ مشاعرہ کے شرکاء سے خطاب کرتے ہوئے کیں، اس موقع پر ڈسترکٹ انفارمیشن آفسیر سید سلمان حسین ، سی او ایم اسی عمران اصغر ، ایم او آئی اینڈ ایس ڈاکٹر تنویر ، نامور شعراء و نعت خواہوں سمیت سول سو سائٹی ، مذہبی و سماجی تنظیموں اور میڈیا نمائند گان کی کثیر تعداد نے شرکت کی ، مشاعرے میں نامور ادبی شعراء نے اپنے بہترین نعتیہ کلام پیش کرکے شرکاء سے خوب داد ووصول کی،اس موقع پر ڈپٹی کمشنر احمد کمال مان نے کہا کہ رسول اکرم ﷺ کے زکر پاک کی محفلیں فیوض بر کات کا سر چشمہ ہیں ، ہر شعبہ زندگی سے تعلق رکھنے والے لوگوں کو چاہیے کہ اس طرح کی مبارک محفلوں کو انعقاد کریں اور اپنے بچوں کو حضورا کرم ﷺ کی اسوہ حسنہ پر عمل پیرا ہونے کی ترغیب دیں ، اس طرح دنیا وآکرت میں اللہ تعالی کا فضل ہمارے زندگیوں کیلئے بے پناہ آسانیاں پیدا کرے گا۔