پاکپتن ،بغیر منظوری نقشہ جات بلڈنگز کی تعمیرات کے خلاف بھر پور آپریشن

منگل 22 اکتوبر 2019 19:56

پاکپتن ۔ (اُردو پوائنٹ اخبارتازہ ترین - اے پی پی۔ 22 اکتوبر2019ء) ایڈیشنل ڈپٹی کمشنر ریونیو/ ایڈمنسٹریٹر میونسپل کمیٹی یاسر فرید کلاسن کی ہدایات کی روشنی میں چیف آفسیر میونسپل کمیٹی نوید سلانی نے بغیر منظوری نقشہ جات بلڈنگز کی تعمیرات کے خلاف بھر پور آپریشن ، انہوں نے بغیر منظوری نقشہ جات بلڈنگز کی تعمیرات11 کمرشل دوکانات ،2 عدد زیر تعمیر گھروں اور ایک کمرشل ہال کو سیل کر دیا ، ان عمارات سے نقشہ فیس کی مد میں 45 لاکھ روپے سے زائد آمدن متوقع ہے ، اس آپریشن میں میونسپل آفسیر پلاننگ سید تحسین حیدر ، بلڈنگ انسپکٹر امجد علی ، سب انجینر شہباز خالد ، انفورسمنٹ انسپکٹرسمیت میونسپل آفسیر ریگو لیشن ونگ کے تمام سٹاف نے بھر پور حصہ لیا ، علاوہ ازیںایڈیشنل ڈپٹی کمشنر ریونیو/ ایڈمنسٹریٹر میونسپل کمیٹی یاسر فرید کلاسن کی ہدایات کی مطابق بغیر منظوری نقشہ جات بلڈنگز کی تعمیرات کے خلاف آپریشن جاری رہے گا اور تمام غیر قانونی تعمیرات کو کو قانون کے دائرہ کار میں لاتے ہوئے ان کو حکومت پنجاب کے جاری کردہ بلڈنگ قوانین پر عمل در آمد کا پابند کیا جائے گا ، یہ بات چیف آفسیر میونسپل کمیٹی نوید سلانی نے مراسلہ میں بتائی۔