مردان، عماد اکبر پرائیویٹ سکولز منیجمنٹ ایسوسی ایشن کے صدر منتخب

پشاور (اُردو پوائنٹ اخبارتازہ ترین - اے پی پی۔ 16 جنوری2019ء) پرائیویٹ سکولز منیجمنٹ ایسوسی ایشن شیخ ملتون ٹاون مردان کے انتخابات مکمل ہوگئے۔ گلوبل سکول کے ڈائریکٹر عماداکبرحسان بلامقابلہ صدر جبکہ پاک سکول کے پرنسپل الیاس خان جنرل سیکرٹری منتخب ہوگئے دیگر عہدیداران میں اسلامیہ سکول کے ڈائریکٹر پروفیسر جانس خان سینئیر نائب صدر ،سمارٹ سکول کے ڈائریکٹر سہیل خان نائب صدر، دی ایجوکیٹر سکول کے افضل غنی نائب صدر دوم، دارارقم سکول کے ڈائریکٹرعبدالمالک ڈپٹی جنرل سیکرٹری ، کنٹری گرائمر سکول کے ڈائریکٹر سراج خان فنانس سیکرٹری جبکہ الائیڈ سکول کے پرنسپل فیصل خان انفارمیشن سیکرٹری چن لئے گئے۔

(جاری ہے)

اسی طرح ایسٹ ووڈ سکول کے ڈائریکٹریاسر حسین ، ملز سکول کے ڈائریکٹر خضرحیات ، ایمپیرئیل سکول کے شبیر احمد، لیڈز سکول سسٹم کے عبداللہ، شیخ ملتون ماڈل سکول کے اسامہ نذر، نیشنل سکول کے ولی اکبر، لائی سیم سکول کے ڈائریکٹر سعید خان، مردان ماڈل سکول کے ڈائریکٹر ذوالفقار خان ، ہائی سن سکول کے سعد خان اور کنسیپٹ سکول کے مغیث اقبال ایگزیکٹیو ممبران ہوں گے۔ نومنتخب کابینہ کی حلف برداری کی تقریب چند روز بعد ہوگی ۔