ْڈائریکٹر جنرل خیبر پختونخوا ریونیو اتھارٹی کی سربراہی میں اہلکاروں کے لئے تربیتی ورکشاپ

پشاور۔19 اکتوبر(اُردو پوائنٹ اخبارتازہ ترین - اے پی پی۔ 19 اکتوبر2018ء) ڈائریکٹرجنرلخیبر پختونخوا ریونیو اتھارٹی طاہراورکزئی نے کہاہے کہ صوبائی حکومت نے مالی سال 2018-19 کے لئے کیپرا کو 15 بلین روپے محصولات کی مد میںجمع کرانے کا ہدف دیا ہے، پیشہ ورانہ مہارت اور ٹیکس دہندگان کے تعاون سے اس ہدف کو حاصل کیا جائے گا۔ان خیالات کااظہار انہوں نے ریونیواتھارٹی کے اہلکاروں کے لئے تربیتی ورکشاپ سے خطاب کرتے ہوئے کیا۔

ورکشاپ کا مقصد اہلکاروں کی استعداد کو بڑھاناتھا، اس موقع پر ڈائریکٹر جنرل محمد طاہر اورکزئی نے شرکاء سے خطاب کرتے ہوئے بلواسطہ اور بلاواسطہ ٹیکسسز سے متعلق تفصیلی آگاہی دی۔انہوں نے کہاکہ 2013 میں جب اس ادارے کا آغاز ہوا تو ادارے کے ساتھ اس وقت صرف 200 افراد اور ادارے رجسٹرڈ تھے۔

(جاری ہے)

جبکہ اس وقت رجسٹرڈ ٹیکس ادا کرنے والوں کی تعداد 5000 سے تجاوز کر چکی ہے جو اس بات کی نشاندہی کرتی ہے کہ اتھارٹی کی طرف سے وضع کردی گئی کمیونیکیشن سٹریٹیجی نہایت کامیاب رہی۔

انہوں نے کہا کہ گزشتہ مالی سال صوبے کے محصوالات میں اتھارٹی کا63.57 فیصد حصہ تھا ۔ انہوں نے کلیکٹریٹ کے سٹاف کو ہدایات جاری کرتے ہوئے کہا کہ وہ نارتھ ، ساوتھ اور سنٹر یونٹ کو مزید فعال بنائیں اور حال ہی میں ایبٹ آباد میں بنائے گئے ٹیکس فیسیلیٹیشن سنٹر میں کام کا جلد سے جلد آغاز کریں۔ انہوں نے سب نیشنل اون سورس ریونیو اور کیپرا کے کردار پر بحث کرتے ہوئے کہا کہ اتھارٹی کے اہلکار خدمات سے منسلک مزید شعبہ جات کی نشاندہی کریںتاکہ صوبے کے محاصل میں خاطر خواہ اضافہ کیا جا سکے۔

اس موقع پر کلیکٹر سیلز ٹیکس یوسف آفریدی نے موجودہ محصولات اور مالی سال 2018-19 کے اہداف کی حصول کے بارے میںبتایا کہ اہلکاروں کی انتھک محنت کی وجہ سے ٹیکس دہندگان کی تعداد میں روز بروز اضافہ ہو رہا ہے اور اس وقت اتھارٹی نے 700 کے قریب غیر رجسٹرڈ اور ٹیکس نا دہندگان کو نوٹسز جاری کر دیئے ہیں۔اس موقع پر ڈائریکٹر ایڈمن محمد آرشد آفریدی نے اتھارٹی کے انتظامی امور اور بھرتیوں کے حوالے سے وضع کئے گئے قواعد و ضوابط شرکاء کے سامنے رکھیں ۔

ڈپٹی ڈائریکٹر انفارمیشن اینڈ ٹیکنالوجی نے ورکشاپ کے شرکاء کو رئیل انوائس مینجمینٹ سسٹم (RIMS ) کے انسٹالمنٹ کے فوائد اور طر یقہ استعمال سے آگاہ کیا۔ ورکشاپ کے احتتام پر شرکاء کی طرف سے پوچھے گئے سوالات کے تفصیلی جوابات دیئے گئے۔ اور ڈائریکٹر جنرل خیبر پختونخوا ریونیو اتھارٹی نے گورننس پالیسی پروجیکٹ کا ورکشاپ کے انعقاد پر شکریہ ادا کیا اور امید ظاہر کی آئندہ بھی ان کی طرف سے اس طرح کے مفید تربیتی پروگرامات کا سلسلہ جاری رہے گا۔