وزیراعظم کی وزیراعلیٰ محمود خان،وزیراعلیٰ عثمان بزدارکی تعریفیں

محمود خان سادہ اور سچا انسان ہے، عثمان بزدار کابھی بڑا مذاق اڑایا گیا، یہ دونوں کسی کے دباؤ میں نہیں آئیں گے،عثمان بزدار مافیاکیخلاف کھڑا ہوگیا ہے،مجھے ان کی ایمانداری پر پورا اعتماد ہے۔ پشاور میں تقریب سے خطاب

Sanaullah Nagra ثنااللہ ناگرہ جمعہ 14 دسمبر 2018 17:42

پشاور(اردوپوائنٹ اخبارتازہ ترین۔14 دسمبر2018ء) وزیراعظم عمران خان نے وزیراعلیٰ خیبرپختونخواہ محمود خان، اور وزیراعلیٰ عثمان بزدار کی ایمانداری کی تعریفیں کیں،انہوں نے کہا کہ محمود خان سادہ اور سچا انسان ہے، عثمان بزدار کابھی بڑا مذاق اڑایاگیا،یہ دونوں کسی کے دباؤ میں نہیں آئیں گے،عثمان بزدار مافیا کیخلاف کھڑا ہوگیا ہے،مجھے ان کی ایمانداری پر پورا اعتماد ہے۔

انہوں نے آج پشاور میں صوبائی حکومت کی100روزہ کارکردگی پر تقریب سے خطاب کرتے ہوئے کہا کہ کے پی والے دوسری باری نہیں دیتے لیکن ہمیں دوسری باری دی۔ الیکشن میں دھاندلی کیخلاف ہم ہرحلقہ کھولنے کو تیار ہیں۔پچھلی حکومت نے اربوں روپے کے فنڈز الیکشن میں خرچ کیے۔ ہم اس لیے کے پی میں جیتے کہ لوگوں کی زندگی خوشحال کی۔

(جاری ہے)

لوگوں نے سمجھا کہ ہم نے وعدے نہیں کیے لیکن کوشش کی۔

جس پر لوگوں نے ہمیں ووٹ دیا۔انہو ں نے کہا کہ محمود خان ایک سادہ اور سچا انسان ہے۔ مجھے ایمانداری پر پورا اعتماد ہے۔ اگر کوئی آدمی جتنا بھی عقلمند ہو لیکن اگر وہ ایماندار اور دیانتدار نہیں تواس کا کوئی فائدہ نہیں۔ پنجاب کے لوگوں نے عثمان بزدار کو بڑا مذاق اڑایا۔پنجاب کے لوگوں کو ایسے وزیراعلیٰ کی عادت تھی جوگاڑیوں کا پروٹوکول، 35کروڑ خرچے سے جہاز استعمال کررہا ہے۔

لیکن یہاں ایک سادہ اور دلیروزیراعلیٰ ہے۔یہ مافیا کے خلاف کھڑے ہوگئے ہیں۔اسی طرح یہ دونوں وزیراعلیٰ کسی کے دباؤ میں نہیں آئیں گے۔مجھے خوشی ہوئی جب محمود خان نے شیلٹر ہوم دکھا یا جو انہوں نے غریبوں کیلئے بنایا ہے۔انہوں نے غریبوں کیلئے نام مہمان خانہ رکھا ہے۔اب یہ مہمان خانے 5بنائے جائیں گے۔عمران خان نے کہا کہ جس ملک کا تعلیم کا نظام غریب کو غریب اور امیر کو امیر کردے توملک کیسے فلاحی ریاست بنے گا؟ہم پہلی بار پورے پاکستان میں یکساں تعلیم کیلئے زور لگا رہے ہیں۔

اسی طرح سرکاری اور نجی اسپتال بنائے گئے۔آہستہ آہستہ سرکاری اسپتال غریبوں اور نجی امیروں کیلئے بن گئے۔یہی وہ کامیابی کا راستہ ہے۔مدینہ کی ریاست کا راستہ بھی یہی ہے۔اللہ ہمیں نبی پاک ﷺ کے راستے پر چلنے کی ہدایت فرماتا ہے۔مدینہ کی ریاست توغریب تھی۔ لیکن اس کے باوجود نبی پاک ﷺ نے غریبوں کا ساتھ دیا۔یہی پاکستان کا مقصد تھا۔وزیراعظم عمران خان نے وزراء کو ہدایت کی ہے کہ تمام وزراء کو سب آفس جانا چاہیے،روز جانا چاہیے اور شام تک وہاں بیٹھنا چاہیے، مجھے کوئی نہ کہے کہ میری وزارت لے لی ہے۔

اب مجھے یہ مسئلہ نہیں ہے کہ اگر کسی سے وزارت لے لی تووہ فاروڈ بلاک نہ بنالے لیکن اب ہمیں کوئی مسئلہ نہیں ہے۔اس لیے وزراء تمام پالیسیاں غریبوں کو مدنظر رکھ بنائیں۔بیوروکریسی کی سوچ یہ ہے کہ سرمایہ کاری اچھی چیز نہیں ہے۔لیکن ہم نے سرمایہ کاروں کیلئے آسانیاں پیدا کرنی ہیں۔ انہوں نے کہا کہ انگریز ہمارے نہیں تھے بلکہ وہ باہر سے آئے ہوئے تھے۔

اس لیے وہ لوگوں کے ٹیکس کے پیسے پر گورنر ہاؤسز بنائے ، بڑے بڑے محلات بنائے جس میں ایک ایک آدمی رہتا تھا۔جب انگریز یہاں سے گیا توہمارے حکمرانوں نے بھی وہی رویہ جاری رکھا ہوا ہے۔ہمارے لوگوں کو وہاں جانا چاہیے۔گورنرہاؤس لاہور کی دیوار توڑنے کا اس لیے فیصلہ کیا کہ لوگ وہاں کی خوبصورتی سوچیں ۔انہوں نے کہا کہ ایک این جی او ترس نے پشاور میں پانچ شیلٹر ہومزمیں کھانا اور انتظامات کرنے کا اعلان کیا ہے۔انہوں نے کہا کہ ایگزون کمپنی 27سال بعد پاکستان آئی ہے انہوں نے ہمارے سمندر میں ایک جگہ دیکھی ہے جس میں انہوں نے ڈرلنگ شروع کردی۔ان کا کہنا ہے یہاں گیس کے ذخائر ہیں۔

پشاور میں شائع ہونے والی مزید خبریں