موٹرسائیکل چوری کرنے والی2 ملزمان گرفتار

اتوار 23 فروری 2020 15:35

پشاور۔ (اُردو پوائنٹ اخبارتازہ ترین - اے پی پی۔ 23 فروری2020ء) پشاور پولیس نے شہر کے نواحی علاقوں میں سرگرم موٹر سائیکل چوروں کو گرفتار کر لیا، ملزمان شادی بیاہ کی تقریبات سے موٹرسائیکل چوری کرنے میں ملوث ہیں، گرفتار ملزمان نے ابتدائی تفتیش کے دوران موٹرسائیکل چوری کے متعدد وارداتوں میں ملوث ہونے کا اعتراف کر لیا،جن کی نشاندہی پر ان کے قبضے سے 4عدد سر قہ شدہ موٹر سائیکل برآمد کرلیے گئے ہیں،ملزمان کو مزید تفتیش کیلئے حوالات منتقل کردیا ہے ۔

تفصیلات کے مطابق سعداللہ ولد گل شاد سکنہ ارمڑ میانہ نے تھانہ ارمڑ پولیس کو رپورٹ کی تھی کہ وہ ا پنے دوست کی دعوت ولیمہ میں شریک تھے کھانہ کھانے کے بعد کسی نامعلوم ملزمان نے اس سے موٹر سائیکل چوری کر لی جس کی رپورٹ پر نامعلوم ملزم کے خلاف مقدمہ درج کرکے تفتیش شروع کر دی گئی ۔

(جاری ہے)

ایس پی صدر سر کل عبد السلام خالد نے واقعہ کا سختی سے نوٹس لیتے ہوئے ڈی ایس پی سعید خان اور ایس ایچ او تھانہ ارمڑ رفیق خان کو موٹر سائیکل چوری کی وارداتوں میں ملوث ملزمان کو گرفتار کرنے کاٹاسک دیا جنہوں نے دوران تفتیش جرائم پیشہ اور مشکوک افراد کا ڈیٹا بھی اکٹھا کیا جس کے دوران شادی کی تقریبات سے موٹر سائیکل چوری میں ملوث اصل 2ملزمان کا سراغ لگا کر گرفتار کر لیا ،جنہوں نے ابتدائی تفتیش کے دوران موٹرسائیکل چوری کے متعدد وارداتوں میں ملوث ہونے کا اعتراف کرلیا،جن کی نشاندہی پر ان کے قبضے سے 4عدد سر قہ شدہ موٹر سائیکل برآمد کرلیے گئے ہیں،ملزمان کو مزید تفتیش کیلئے حوالات منتقل کردیا ہے ۔