صدر مملکت کا عوام پر صحت و صفائی کا خصوصی خیال رکھنے کی ضرورت پر زور
کرونا کا پھیلائو تشویشناک صورتحال ہے، اب تک 51 ممالک کرونا وائرس کا شکار ہو چکے ہیں، پاکستان میں بھی اس کے پھیلائو کا خدشہ ہے، ہمیں خوفزدہ ہونے کی بجائے حفاظتی تدابیر اختیار کرنی چاہییئں، ہاتھ دھوتے وقت صابن کا استعمال یقینی بنائیں، ڈاکٹر عارف علوی کا پشاور میں گیسٹرالوجی کانفرنس سے خطاب
جمعہ 28 فروری 2020 13:25
(جاری ہے)
انہوں نے کہا کہ اس موقع پر وہ قومی تشویش کے ایک اہم معاملے پر بات کرنا چاہتے ہیں۔
کرونا کا پھیلائو ایک تشویشناک صورتحال ہے۔ اب تک 50 سے زائد ممالک میں کرونا وائرس پہنچ چکا ہے۔ اللہ تعالیٰ ہماری مدد کرے گا اور انشاء اللہ پاکستان میں یہ نہیں پھیلے گا لیکن میڈیکل سائنس کے مطابق اگر 51 ملکوں میں یہ پھیل چکا ہے تو یہاں بھی اس کے پھیلنے کا خدشہ ہے اس لئے ہمیں اس بحران سے نمٹنے کے لئے اقدامات کرنے ہوں گے۔ سب سے پہلے ہمیں صورتحال کے لئے خود کو تیارکرنا ہو گا اور احتیاطی تدابیر پر توجہ دینا ہوگی۔ اس سلسلہ میں سب سے زیادہ اہم بات یہ ہے کہ ہاتھ دھوتے وقت صابن کا استعمال یقینی بنائیں، اس سلسلہ میں آگاہی مہم چلانے کی بھی ضرورت ہے اور عوام کو یہ بتایا جانا چاہیے کہ حضور نبی کریم ﷺ نے صحت و صفائی اور طہارت پر کس قدر زور دیا ہے۔صدر مملکت نے کہا کہ قبل ازیں میں نے ٹوتھ برش لے کر عوام کو دانتوں کی صفائی کی اہمیت کے حوالے سے آگاہ کیا تو مذاق اڑایا گیا۔ دانتوں کی صفائی کے حوالے سے 22 احادیث ہیں ۔ ہمارے دین ہمارے پیغمبر ؐ اور خلفائے راشدینؓ نے معاشرے میں ہر پہلو سے لوگوں کو آگاہی فراہم کی کیونکہ قومیں اسی طرح بنتی ہیں۔ صدر مملکت نے کہا کہ بالخصوص کرونا وائرس کے سلسلہ میں احتیاطی تدابیر میں سب سے زیادہ اہم یہ ہے کہ ہاتھ دھوئیں اور کھانسی یا چھینک آئے تو کسی بھی چیز اور کسی بھی طرح سے منہ ڈھانپیں اور ماسک پہنیں۔ بڑے اجتماعات منعقد نہ کریں۔ انہوں نے کہا کہ اس حوالے سے احادیث بھی موجود ہیں اور خلفائے راشدین کا طرز عمل بھی ہمارے سامنے موجود ہے۔ جب حضرت عمرؓ شام جا رہے تھے تو حضرت ابو ہریرہؓ انہیں راستے میں ملے اور آگاہ کیا کہ شام میں وباء پھیلی ہوئی ہے اور انہوں نے حضور پاکﷺ کی حدیث کا حوالہ دیا تو حضرت عمرؓ واپس ہو گئے۔ کرونا وائرس کی وجہ سے سعودی عرب نے عمرے کے ویزے عارضی طورپر بند کردیئے ہیں۔ ایران نے نماز جمعہ کے اجتماعات پر بھی پابندی عائد کی ہے۔ بڑی بڑی شادیوں کی تقریبات اور اجتماعات منعقد نہ کئے جائیں ۔ بلوچستان میں سکول چند روز کے لئے بند کئے گئے ہیں۔ جاپان جیسے ملک میں تمام سکول بند کر دیئے گئے ہیں ۔ وباء کے پھیلنے کے خدشہ کے پیش نظر ہمیں احتیاطی تدابیر اختیارکرنے کی ضرورت ہے لیکن ہمیں خوف زدہ نہیں ہونا چاہیے۔ حکومت اس خطرے سے آگاہ ہے اور ضروری اقدامات کررہی ہے۔ صدر مملکت نے شہریوں پر زور دیا کہ ماسک پہننے میں عار محسوس نہ کریں۔ خود بھی گھر پر ماسک تیار کر سکتے ہیں۔ انہوں نے معاشرے میں اس حوالے سے آگاہی پیدا کرنے کے لئے آئمہ کرام اور پیش اماموں کی اہمیت کو بھی اجاگر کیا اور کہا کہ انہیں بھی منبر کے ذریعے معاشرے میں آگاہی پیدا کرنی چاہیے۔ انہوں نے قوم سے اپیل کی کہ وہ صحت و صفائی اور طہارت کے اصولو ںکو اختیارکریں تو نہ صرف امراض سے بچائو اور صحت مند معاشرے کے قیام میںمدد ملے گی بلکہ یہ اجر و ثواب اور آخرت سنوارنے کا ذریعہ بھی ہوگا۔پشاور میں شائع ہونے والی مزید خبریں
سیاح پہاڑی علاقوں بالخصوص وادی کاغان میں بارشوں کے دوران سفر سے گریز کریں، مشیر سیاحت
پشاور ہائیکورٹ کا وزیراعلیٰ اورصوبائی کابینہ کو اسمبلی اجلاس طلب کرنے کیلئے اقدامات کرنے کا حکم
تعلیمی اداروں میں مارکیٹ کی ضروریات کے مطابق مضامین متعارف کرانا چا ہتے ہیں، صوبائی وزیر میناخان آفریدی
ٹیلنٹ ہنٹ یوتھ سپورٹس لیگ کے تحت ملک بھر میں 12 کھیلوں کے مقابلے منعقد کئے جائیں گے، رانا مشہود احمد خان ..
وزیراعظم یوتھ ٹیلنٹ ہنٹ پروگرام کے تحت ٹیبل ٹینس صوبائی لیگ کا آغاز ، معاون خصوصی مشعود احمد خان نے افتتاح ..
مشیراطلاعات بیرسٹرڈاکٹرسیف کی حافظ نعیم الرحمان کو امیر جماعت اسلامی منتخب ہونے پر مبارکباد
خیبرپختونخوا،بارشوں کے باعث حادثات، جاں بحق افراد کی تعداد 36 ہوگئی
خیبرپختونخوا میں قومی و صوبائی اسمبلی کی خالی نشستوں پر 21 اپریل کو ہونےوالے ضمنی انتخابات کے لئے انتخابی ..
پشاور، تھانہ پہاڑی پورہ پولیس کی کارروائی ، شراب سپلائی کرنے میں ملوث ملزم گرفتار
سٹی ٹریفک پولیس پشاور کی ٹریفک قوانین کی خلاف ورزی کرنے والوں کےخلاف کارروائی
چیف ٹریفک آفیسر کا ٹریفک نظام کا جائزہ لینے کیلئے شہر بھر کا دورہ
صوبائی وزیر تعلیم کا میٹرک کے جاری امتحانات میں شکایات موصول ہونے کا نوٹس
پشاور سے متعلقہ
پاکستان کی تازہ ترین خبریں
-
ملتان: تندور مالکان نمایاں مقامات پر 100 گرام روٹی کی قیمت 15 روپے آویزاں کریں، ڈپٹی کمشنر
-
گورنرپنجاب سے سرجن ڈاکٹر برگیڈیئر (ر)رئوف افتخار احمد کی ملاقات
-
گورنرپنجاب کی لاہور ایجوکیشن رپورٹرز ایسوسی ایشن'' لیرا'' کے منتخب عہدیداروں کو مبارکباد
-
قومی اسمبلی،بلاول بھٹو وزیرِ اعظم کی نشست پربیٹھ گئے
-
ٹی ایل پی پر پابندی سے متعلق انٹیلی جنس کی کوئی رپورٹ صوبائی حکومت سے شیئر نہیں کی گئی تھی، شہبازشریف
-
اپوزیشن ایک نہتی لڑکی آصفہ بی بی سے ڈرتی ہے،بلاول بھٹو زرداری
-
سرکاری اداروں کے بجلی بلوں میں اوورچارجنگ کے پری آڈٹ کا فیصلہ
-
وزیرصنعت و تجارت شافع حسین کی زیر صدارت اجلاس ،پنجاب سکل ڈویلپمنٹ پالیسی 2024کی منظوری
-
وزیرصحت خواجہ سلمان رفیق کا آپریشن تھیٹرز پر جاری پیش رفت کا جائزہ لینے کیلئے پی آئی سی کا دورہ
-
انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے‘ وزیرمملکت شیزا فاطمہ خواجہ
-
صوبائی وزیر صحت خواجہ سلمان رفیق سے نیشنل سنٹر فار ہیلتھ کیئر ورکرز امریکہ کے وفد کی ملاقات
-
صدر آصف علی زرداری نے ترک چیف آف جنرل سٹاف جنرل متین گورک کو نشان امتیاز ملٹری سے نوازا