عید کے دوران لاک ڈاون سے کورونا کیسز میں واضح کمی واقع ہوئی ہے، عوام کا مشکور ہوں کہ عید کے دوران ایس او پیز پر عملدرآمد

ورلڈ بینک کی جانب سے احساس پروگرام کی دنیا کے ٹاپ 4 پروگرامز میں شمولیت حکومتی کامیابیوں کا مظہر ہے،عوامی نیشنل پارٹی کی رہنما بیگم نسیم ولی خان کے انتقال پر افسوس ظاہر کیا، معاون خصوصی کامران بنگش

اتوار 16 مئی 2021 20:30

پشاور(اُردو پوائنٹ اخبارتازہ ترین - این این آئی۔ 16 مئی2021ء) وزیراعلی محمود خان کے معاون خصوصی برائے اطلاعات و اعلی تعلیم کامران بنگش نے کہا ہے کہ عید کے دوران کئے جانے والے لاک ڈاون کے ثمرات آنا شروع ہوگئے ہیں اور کورونا کیسز میں واضح کمی واقع ہوئی ہے۔ انہوں نے عید کے دوران کورونا ایس او پیز پر عملدرآمد کرنے پر عوام کا شکریہ ادا کرتے ہوئے کہا کہ عوام نے اس دفعہ عید کے دوران گھروں تک محدود رہ کر اور انتظامیہ نے سیاحتی مقامات پر چوکنہ رہ کر کورونا کے پھیلاو کو محدود کردیا ہے۔

ورلڈ بینک کی جانب سے احساس پروگرام کی دنیا کے ٹاپ 4 پروگرامز میں شمولیت کو خوش آئند قراردیتے ہوئے معاون خصوصی نے بتایا کہ دنیا ریاست مدینہ کے فلاحی منصوبوں کی گرویدہ ہے اور حکومت حقیقت میں عام آدمی کی فلاح و بہبود کا سوچتی ہے۔

(جاری ہے)

انہوں نے ترقی پزیر ممالک میں پاکستان کی پذیرائی کو وزیراعظم عمران خان اور ان کی ٹیم کی کامیابی قراردی۔ انہوں نے بتایا کہ حکومت خیبرپختونخوا اس کامیابی پر ثانیہ نشتر کو خراج تحسین پیش کرتی ہے۔معاون خصوصی نے عوامی نیشنل پارٹی کی رہنما بیگم نسیم ولی خان کی رحلت پر اہل خانہ سے تعزیت اور دلی ہمدردی کا اظہار کیا۔ انہوں نے کہا کہ حکومت اور کابینہ کے ارکان مرحومہ کے ایصال ثواب اور مغفرت کیلئے دعاگو ہیں۔