آئی جی خیبر پختونخواہ معظم جاہ سے تاجروں کے وفد کی ملاقات

آئی جی کے پی کے  نے کہا ہے کہ تجارتی مراکز میںامن وامان کی صورتحال کو کنٹرول کرنے کے لیے تاجر برادری کو ساتھ لے کر چلیں گے ،جرائم کی وارداتوں میں اضافہ کسی صورت میں برداشت نہیں کیا جا ئے گا۔ان خیالات کا اظہارانہوں نے گزشتہ روز انجمن تاجران کے ایک وفد سے گفتگو کرتے ہوئے کیا۔تاجر رہنمائوں میں غلام بلال جاوید ، حاجی عبدلانصیر، خالد گل محمند ،شاکر اللہ خان اور دیگر رہنماؤں نے شرکت کی ۔

وفد نےپشاور کی مختلف مارکیٹس میں پولیس سے متعلق مسائل سے ایڈیشنل آئی جی کو آگاہ کیا۔ ملاقات میں تاجروں اور پولیس کے درمیان بہتر تعلقات،ملاقاتوں اور ورکنگ ریلیشن شپ پر زور دیا گیا تاکہ باہمی تعاون کے نتیجے میں امن و امان کی صورتحال بہتر سے بہتر ہوپائے۔ اس موقع پرایڈیشنل آئی جی نے تاجرہنماؤں سے گفتگو کرتے ہوئے کہا کہ پولیس اور تاجروں کا ایک دوسرے سے چولی دامن کا ساتھ ہے،بغیر عوامی اور تاجر حلقوں کے تعاون اور رہنمائی کے پولیس کے لیے علاقوں میں موجود چیلنجز سے نمٹنا خاصا مشکل کام ہے لہٰذا تمام اضلاع کے ایس ایس پیز،ڈی ایس پیز اور تھانہ ایس ایچ اوز کو ہدایات ہیں کہ تاجر تنظیموں اور سول سوسائٹی سے براہ راست رابطے میں رہیں۔

تاکہ علاقوں میں ایک بہتر ورکنگ ریلیشن کے ذریعے امن و امان کی فضاء کو بہتر بنایا جاسکے اور پولیس سے متعلق شکایات کا بھی خاتمہ ہو پائے۔  تاجران کے وفد نے ایڈیشنل آئی جی  کو مسائل کے حل کے لیے فوری طور اقدامات کرنے کے عزم اور اپنے بھرپور تعاون پر ان کا شکریہ ادا کیا۔