عیدمیں گوشت ضرورکھائیں پر احتیاط بھی کریں‘ ماہرین صحت

پشاور۔ (اُردو پوائنٹ اخبارتازہ ترین - اے پی پی۔ 20 اگست2018ء) عید الضحیٰ کی آمد آمد ہے دنیا کے مسلمان جانوروں کی قربانیاں کریں گے۔ عوام الناس کی بیداری اور معلومات کی فراہمی صحت اور علاج معالجہ کی سہولیات فراہم کرنے والے کی ذمہ داری ہے۔ اس لئے عوام کو گوشت کے زیادہ استعمال اور اس سے جڑے حدشات کے بارے میں معلومات دی جاتی ہے کہ گوشت کا زیادہ استعمال بچوں ، بزرگوں کے ساتھ ساتھ بلند فشارِ خون، کولیسٹرول اور امراضِ قلب کے شکار لوگوں کے لئے نقصان دہ ہو سکتا ہے۔

ماہرین صحت کے مطابق عید الضحیٰ کے موقع پر ہسپتالوں میںدست، گیسٹرائیٹس، الٹی، معدے اور پیٹ کی تکلیف سے دو چار مریضوں کی تعداد کافی بڑھ جاتی ہے۔ ان شکایات کے ساتھ ساتھ گوشت کا زیادہ استعمال کولیسٹرول کے بڑھنے اور دل کی صحت کو بھی نقصان پہنچاتا ہے اس سے شریانیں موٹی ہو جاتی ہیں اور دل کے مرض سے متاثرہ مریضوں میں آرتھوکلوروسسز سے شرع بڑھ جاتی ہے۔

(جاری ہے)

گوشت کے زیادہ استعمال سے وائرل انفیکشن جیسے گانگو فیور جیسی بیماری کو بھی بڑھاؤا ملتا ہے جس کی ایک بڑی وجہ جانوروں سے قربت یعنی قربانی کے جانوروں کی دیکھ بھال وغیرہ ہے۔ان سب بیماریوں اور خدشات سے بچاؤ کے لئے عوام کو انتباء کیا جاتا ہے کہ تمام ضروری واحتیاطی تدابیر پر پوری طرح عمل کریں۔ خواتین اور وہ لوگ جو گوشت کی کٹائی، صفائی وغیرہ کرتے ہیںخصوصی طور پر دستانوں کا استعمال کریں تاکہ گوشت اور جانور پر موجود چچڑ/کیڑے سے بچ سکیں۔

گوشت کو خوب اچھے طریقے سے دھوئیں اور اچھی طرح پکا کر کھائیں۔ شوربے اور زیادہ مصالحے دار گوشت نظام ِ ہضم کو خراب کرتا ہے لھٰذا اس سے پرہیز کریں۔ کھانے میں زیادہ تر سوپ، سبزیاں اور سلاد کھائیں تاکہ گوشت سے ہونے والی تیزابیت کو ختم کیا جا سکے۔اگر کوئی گوشت کو ذخیرہ کرنا چاہتا ہے تو گوشت کو صحیح طریقہ کار کے مطابق خشک کرے اور نمک لگا کر اچھی طرح ڈھانپ کر رکھے تاکہ مکھیوں سے محفوظ رہے۔زیا بیطس اور دل کے مرض میں مبتلا لوگ ایپی گیسٹرک کی تکلیف محسوس ہوتے ہی ڈاکٹر یا ہسپتال سے رجوع کریں کیونکہ یہ تکلیف دل کو بھی نقصان پہنچاسکتی ہے۔