بی آر ٹی منصوبے کا افتتاح کل ہوگا

پشاور(اُردو پوائنٹ اخبارتازہ ترین - اے پی پی۔ 12 اگست2020ء) پاکستان تحریک انصاف خیبرپختونخوا کی صوبائی حکومت کا عظیم الشان منصوبہ بس ریپڈ ٹرانزٹ (بی آر ٹی ) کا افتتاح کل (جمرات) کوہوگا۔

(جاری ہے)

منصوبے کی تعمیر کیلئے خیبرپختونخوا حکومت نے 2013ء میں ایشیائی بینک سے تکینکی مدد کی درخواست کی جس کا مقصد پشاور کے بدانتظامی اور خستہ حال شہری نقل وحمل کے نیٹ ورک کو جدیدتقاضوں سے ہم آہنگ کرنا تھا‘منصوبے کا افتتاح پاکستان تحریک انصاف کی پچھلی صوبائی حکومت نے ایشیائی بینک کے تعاون سے 2017ء میں شروع کیاتھا‘ اس منصوبے پر تقریباً 70ارب روپے لاگت آئی ہے جو 27.5کلومیٹرپرمشتمل ہے ‘ اس میں 31 اسٹیشن جبکہ 140سٹاپ ہیں‘منصوبہ کا 8 کلومیٹر فلائی اوورز اور 3کلومیٹر انڈر پاسس پرمشتمل ہے‘ایک سٹیشن سے دوسرے سٹیشن تک کافاصلہ 850 میٹر ہے‘ پی ڈی اے نے یہ منصوبہ تکمیل کے بعد ٹرانس پشاور کے حوالے کردیااور اس میں انٹیلی جنس ٹریکنگ سسٹم کو فعال کردیاہے‘ اس منصوبے کی تعمیر پشاور ڈویلپمنٹ اتھارٹی (پی ڈی ای) نے ایشیائی بینک کے تعاون سے 2017ء میں شروع کی‘ایک اندازے کے مطابق بی آر ٹی میں 3لاکھ 40ہزار مسافر روزانہ سفر کرینگے‘ جس کیلئے ایک لاکھ کارڈز فروخت کیے جاچکے ہیں‘ بی آرٹی کی نگرانی کیلئے 750سکیورٹی کیمرے بھی نسب کیے گئے ہیں ‘ بی آر ٹی سروس صبح 6بجے سے لیکر 10بجے تک عوام کو سفری سہولیات مہیا کرینگی‘ بی آر ٹی پشاور شہر کے تمام اہم حصوں کو منسلک کریگی‘ جس سے نہ صرف پشاور کے شہریوں کو بلکہ باہر سے آنے والے مسافروں کو بہتر اور آسان سفری سہولیات میسرآئینگی ‘معذور افراد کیلئے بی آر ٹی میں خصوصی انتظامات کیے گئے ہیں‘ تمام بسیں ایئرکنڈیشن اور وائی فائی کی سہولیات سے آراستہ ہونگی‘ تمام اسٹیشنوں پر مسافروں کیلئے بیت الخلاء قائم کیے گئے ہیں ‘یہ بسیں ڈیزل ڈیزل الیکٹرک پلگ ان ہائبرڈز ہیں جوکہ ایندھن کی مد میں خاطر خواہ بچت کیساتھ ساتھ ماحول دوست ہے ‘ بسوں کیلئے چارجنگ اسٹیشن بھی تعمیر کیے گئے ہیں تاکہ گاڑیوں کی بیڑیاں ری چارج کی جاسکیں‘ یہ تمام بسیں ماحول دوست ہیں اور شہرمیں فضائی آلودگی کو کم کرینگی‘منصوبے کیساتھ ساتھ بائی سائیکل ٹریک بھی بنایاگیا ہے ‘ پشاور کے شہریوں نے منصوبے کی تکمیل کو بے حد سراہا اور عمران خان کی ویژن کی تعریف کی۔