پشاور ایس ڈی پی او حیات آباد کا سکیورٹی صورتحال کا جائزہ لینے کی خاطر تھانہ تاتارا کا دورہ،روزنامچہ، صفائی ستھرائی، سرکاری اسلحہ کا جائزہ

پشاور (اُردو پوائنٹ اخبارتازہ ترین - اے پی پی۔ 18 اپریل2025ء) پشاور ایس ڈی پی او محمد جنید کھرل نے سکیورٹی صورتحال کا جائزہ لینے کے لئے تھانہ تاتارا کا اچانک دورہ کیا۔ اس موقع پر ایس ایچ او تھانہ تاتارا کیڈٹ قمر شہزاد بھی موجود تھے، جنہوں نے سکیورٹی انتظامات کے حوالے سے اے ایس پی محمد جنید کو بریف کیا۔ دورہ کے دوران ایس ڈی پی او حیات آباد سرکل محمد جنید کھرل نے تھانہ کا ریکارڈ، روزنامچہ، صفائی ستھرائی، سرکاری اسلحہ اور رجسٹر چیک کرنے کےساتھ سی سی ٹی وی کیمرے اور مانیٹرنگ کا بھی جائزہ لیا گیا۔

(جاری ہے)

انہوں نے پولیس افسران و اہلکاروں کو سختی سے ہدایت کرتے ہوئے کہا کہ اپنی حفاظت کرکے دوران ڈیوٹی بلٹ پروف جیکٹ و ہلمٹ کے استعمال کو یقینی بنائیں، تھانہ آنے والے سائلین، بزرگوں اور خواتین کی بروقت داد رسی کی جائے اور شہریوں کی عزت نفس کا خاص خیال رکھا جائے۔ انہوں نے تھانے میں آنے والے سائلین سے بھی ملاقات کی اور ان کے مسائل کے بارے آگاہی حاصل کی۔ اس موقع پر ایس ڈی پی او حیات آباد سرکل نے سکیورٹی پر معمور پولیس اہلکاروں سے بات چیت کرتے ہوئے ہمہ وقت مستعد اور چوکس رہتے ہوئے سماج دشمن عناصر اور دیگر جرائم پیشہ افراد پر کڑی نظر رکھنے کی ہدایت کی۔