پشین ، اغواء برائے تاوان کیخلاف ایکشن نہ لینا ضلعی انتظامیہ کی بے بسی ہے،رہائشیوں کی پریس کانفرنس

پشین(اُردو پوائنٹ اخبارتازہ ترین - آئی این پی۔ 06 مارچ2017ء)پشین کے رہائشیوں منیر احمد عصمت اللہ صمد خان امین اللہ عبدالباقی ثناء اللہ اور شفیع اللہ نے پشین پریس کلب میں پریس کانفرنس سے خطاب کرتے ہوئے الزام عائد کیاہے کہ پشین سے گن پوائنٹ پر اغواء ہونیوالے مغوی نوراللہ کے اغواکاروں کو بعض ضلعی آٖفیسران کی سرپرستی حاصل ہے۔ اسلحے سمیت گرفتار ہونیوالے مشتبہ اغواکار رمضان عرف آزاد بلوچ کو پشین لیویز لائن کی چاردیواری میں آزادی دینا المیہ ہے ۔

اغواء کار کا فرار ساتھی تاحال گرفتار نہ ہوسکااغواء برائے تاوان کی واردات میں ملوث ملزم کیخلاف ایکشن نہ لینا ضلعی انتظامیہ کی بے بسی ہے۔ انہوں نے کہا کہ کرایہ کے غرض پر ٹیکسی ڈرائیورمغوی نوراللہ کو یارو کے قریب پہاڑوں میں رسیوں سے ہاتھ پاوں باندھ کر بیس لاکھ روپے کی ڈیمانڈ کی اور انہیں گن پوائنٹ پر شدید زدوکوب کیا شدید زخمی حالت میں مغوی نوراللہ نے قریبی لیویز تھانے میں اطلاع دی جس پر تحصیلدار سردار عبداللہ خان نے کارروائی کی جسمیں اغواکار رمضان عرف آزاد کو اسلحے سمیت گرفتار کرلیا جبکہ اس کا دوسرا ساتھی موقع سے فرار ہو گیا ۔

(جاری ہے)

ضلعی انتظامیہ مغوی نوراللہ کو انصاف فراہم کرتے ہوئے فرار اغواکار کو فوری گرفتار کریں بصورت دیگر جو بھی اقدام اٹھایا گیا ذمہ داری ضلعی انتظامیہ پر عائد ہوگی۔