گائنی ایمرجنسی سول ہسپتال کوئٹہ کے آپریشن تھیٹرمیں تشویشناک حالت میں مریضوں کو بروقت طبی سہولیات نہ پہچانے، فرائض میں غفلت برتنے اور انسانی جانوں کو خطرے میں ڈالنے پر اینیستھزیا ڈاکٹروں کے خلاف سخت کارروائی،محکمہ صحت

منگل 18 دسمبر 2018 00:00

کوئٹہ۔ (اُردو پوائنٹ اخبارتازہ ترین - اے پی پی۔ 18 دسمبر2018ء) محکمہ صحت کے مختلف اعلامیوں کے مطابق گائنی ایمرجنسی سول ہسپتال کوئٹہ کے آپریشن تھیٹرمیں تشویشناک حالت میں مریضوں کو بروقت طبی سہولیات نہ پہچانے، فرائض میں غفلت برتنے اور انسانی جانوں کو خطرے میں ڈالنے پر اینیستھزیا ڈاکٹروں کے خلاف سخت کارروائی۔

(جاری ہے)

ڈاکٹر عقیل احمد میڈیکل آفیسر کے انکریمنٹ اور ترقی روک دی گئی جبکہ ڈاکٹر سلطان محمود چیف میڈیکل آفیسرکی تنزلی کرکے انہیں سینئر میڈیکل آفیسر بنا دیا گیا اور انکریمنٹ بھی روک دیئے گئے۔

علاوہ ازیں ڈاکٹر عمران ناصر سینئر میڈیکل آفیسر کو معطل کرکے اس کے انکریمنٹ اور پروموشن روک دیئے گئے۔ ڈاکٹر ثاقب بٹ جوکہ چھٹیوں پر تھے ان کی چھٹیاں کینسل کرکے انہیں فوری طور پر سول ہسپتال میں رپورٹ کرنے کی ہدایت کی گئی ہے۔ اعلامیہ کے مطابق ڈاکٹر شاہ جہان کو کنٹریکٹ ملازمت سے بر خاست کردیا گیااورڈاکٹر منظور احمد کی عالمی ادارہ صحت سے چھٹیاں منسوخ کرکے فوری طور پر اینستھزیا یونٹ رپورٹ کرنے کی ہدایت کی گئی ہے۔