وزیراعلیٰ بلوچستان کی جامعہ بلوچستان کے قریب پولیس وین پر ہونے والے بم حملے کی شدید مذمت

واقعہ کی رپورٹ طلب کرلی ،تحقیقات کا حکم ،متعلقہ حکام کو شہر میں فول پروف سیکیو رٹی انتظامات یقینی بنانے کی ہدایت

پیر 18 اکتوبر 2021 21:52

وزیراعلیٰ بلوچستان کی جامعہ بلوچستان کے قریب پولیس وین پر ہونے والے بم حملے کی شدید مذمت
کوئٹہ(اُردو پوائنٹ اخبارتازہ ترین - این این آئی۔ 18 اکتوبر2021ء) وزیراعلیٰ بلوچستان جام کمال خان نے جامعہ بلوچستان کے قریب پولیس وین پر ہونے والے بم حملے کی شدید الفاظ میں مذمت کرتے ہوئے واقعہ کی رپورٹ طلب کرلی اور تحقیقات کا حکم دیا ہے۔ وزیراعلیٰ نے دھماکے کے نتیجے میں ایک پولیس اہلکار کی شہادت اور زخمی ہونے والے افراد پر دُکھ اور افسوس کا اظہار کرتے ہوئے کہا ہے کہ تخریب کار عناصر صوبے کا امن تباہ کرنا چاہتے ہیں۔

(جاری ہے)

دہشت گردوں کو ان کے مذموم مقاصد میں کسی صورت کامیاب ہونے نہیں دیں گے۔ انہوں نے کہا کہ عوام کے جان و مال کا تحفظ حکومت کی ذمہ دا ری ہے۔وزیراعلیٰ نے متعلقہ حکام کو شہر میں فول پروف سیکیو رٹی انتظامات یقینی بنانے کی ہدایت کی ہے۔وزیراعلیٰ نے پولیس جوان کی شہادت اور زخمی ہونے والے افراد کے لواحقین سے ہمدردی کا اظہار کیا اور تمام زخمیوں کو علاج ومعالجہ کی بہترین طبی سہولیات فراہم کرنے کی ہدایت کی ہے۔

کوئٹہ شہر میں شائع ہونے والی مزید خبریں:

Your Thoughts and Comments