بلوچستان کابینہ تحلیل ،عبدالقدوس بزنجو کو نیا وزیر اعلی بنانے کا فیصلہ

بلوچستان عوامی پارٹی کے رکن جان جمالی کو نیا سپیکر منتخب کیا جائے گا

پیر 25 اکتوبر 2021 19:00

بلوچستان کابینہ تحلیل ،عبدالقدوس بزنجو کو نیا وزیر اعلی بنانے کا فیصلہ
کوئٹہ(اُردو پوائنٹ اخبارتازہ ترین - آن لائن۔ 25 اکتوبر2021ء) وزیر اعلی بلوچستان جام کمال کے استعفیٰ کی منظوری کے بعد کابینہ تحلیل ہوگئی۔ عبدالقدوس بزنجو کو نیا وزیر اعلی بنانے کا فیصلہ کر لیا گیا۔وزیر اعلی جام کمال کے استعفے کی منظوری کے بعد چیف سیکرٹری بلوچستان نے صوبائی کابینہ تحلیل کرنے کا نوٹیفکیشن جاری کردیا ہے ۔ذرائع کے مطابق بی اے پی کے ناراض ارکان نے عبدالقدوس بزنجو کو نیا وزیر اعلی اور جان جمالی کو نیا اسپیکر منتخب کرنے کا فیصلہ کیا ہے۔

بلوچستان اسمبلی کے اسپیکر عبدالقدوس بزنجواسمبلی اجلاس کے بعد مستعفی جائیں گے۔ بلوچستان عوامی پارٹی کے رکن جان جمالی کو نیا اسپیکر منتخب کیا جائے گا۔بلوچستان کے نئے وزیر اعلی کے انتخاب کیے نیا اجلاس بلایا جائے گا -جس میں عبدالقدوس بزنجو کو بطور نیا وزیر اعلی بلوچستان منتخب کیا جائے گا۔

(جاری ہے)

واضح رہے کہ وزیر اعلی بلوچستان جام کمال اپنے خلاف تحریک عدم اعتماد لائے جانے اور اپوزیشن اور ناراض اراکین کی جانب سے نمبرز پورے ہونے پر عہدے سے مستعفی ہو گئے ہین۔چند روز قبل بلوچستان اسمبلی میں بلوچستان عوامی پارٹی کے ناراض اراکین اور اپوزیشن کی جانب سے وزیراعلی بلوچستان کے خلاف تحریک عدم اعتماد پیش کی گئی تھی۔ 65 رکنی ایوان میں سے 33 نے تحریک کے حق میں ووٹ دیا تھا۔

کوئٹہ شہر میں شائع ہونے والی مزید خبریں:

Your Thoughts and Comments