بلوچستان عوامی پارٹی صوبے کے مفادات پر کسی بھی صورت سودا بازی نہیں کرینگے،سینیٹر منظور احمد کاکڑ

کوئٹہ(اُردو پوائنٹ اخبارتازہ ترین - آن لائن۔ 18 فروری2019ء) بلوچستان عوامی پارٹی کے مرکزی جنرل سیکرٹری وسینیٹر منظور احمد کاکڑ نے کہا ہے کہ بلوچستان عوامی پارٹی صوبے کے مفادات پر کسی بھی صورت سودا بازی نہیں کرینگے اور صوبے کی ترقی وخوشحالی کیلئے موجودہ حکومت سنجیدہ اقدامات اٹھا رہے ہیں سعودی عرب اور چین کیساتھ ہونیوالے معاہدوں پر بلوچستان کو ان کا حق ضرور ملے گا سی پیک سمیت دیگر منصوبوں سے بلوچستان ترقی وخوشحالی کی راہ پر گامزن ہو گا آئندہ بلدیاتی انتخابات کے لئے تیاریاں کی جا رہی ہے اور اتحادیوں کیساتھ مل کر بلدیاتی انتخابات لڑیں گے سعودی ولی عہد کا دورہ خوش آئند ہے اور ولی عہد کا پاکستان آنے سے سرمایہ کاری کے مواقع بڑھیں گے ان خیالات کا اظہار انہوں نے میڈیا سے بات چیت کر تے ہوئے کیا منظور احمد کاکڑ نے کہا ہے کہ عوام نے جس مقصد کے لئے ہمیں ووٹ دیا وہ اس لئے کہ ہم صوبے کی پسماندگی کو ختم کرنے کے لئے بلوچستان کی ترقی وخوشحالی کے لئے اپنا کردار ادا کریں ماضی کے قوم پرستوں اور مذہب پرستوں نے صوبے کو تباہی وبربادی کے سوا کچھ نہیں دیا جس کی وجہ سے آج کوئٹہ صوبے کا دارالحکومت ہوتے ہوئے بھی کھنڈرات کا منظر پیش کر رہی ہے قوم پرستوں اور مذہب پرستوں نے عوام کو دھوکہ دے کر اقتدار میں آنے کے بعد صوبے کی ترقی وخوشحالی اور عوام کور وزگار کے مواقع دینے کے لئے سنجیدہ اقدامات نہیں اٹھائے گئے جس کے بدولت آج ہمیں مشکلات کا سامنا ہے لیکن موجودہ حکومت اور اتحادی مل کر صوبے کی ترقی وخوشحالی کے لئے اپنا کردارا دا کرینگے کیونکہ ہم سیاسی وجمہوری لوگ ہے اور ہمیشہ ملک کی ترقی وخوشحالی میں اپنا کردا رادا کیا ہے سعودی عرب اور چین کیساتھ ہونیوالے معاہدوں پر بلوچستان کو ان کا حق ضرور ملے گا سی پیک سمیت دیگر منصوبوں سے بلوچستان ترقی وخوشحالی کی راہ پر گامزن ہو گا انہوں نے کہا ہے کہ آنیوالے بلدیاتی انتخابات میں بلوچستان عوامی پارٹی تیاریاں کر رہی ہے اور مخلوط حکومت میں شامل اتحادیوں کو ساتھ ملا کر انتخابات میں بھر پور حصہ لیں گے۔