نیشنل پارٹی کی حکومت کی طرف سے سیاسی بنیادوں پر ایس ایس ٹی کی بھرتیوں کی مذمت

کوئٹہ(اُردو پوائنٹ اخبارتازہ ترین - آن لائن۔ 18 فروری2019ء) نیشنل پارٹی کے صوبائی ترجمان نے حکومت کی طرف سے سیاسی بنیادوں پر ایس ایس ٹی کی بھرتیوں کی شدید الفاظ میں مذمت کرتے ہوئے کہا کہ موجودہ حکومت اقرباپروری اور میرٹ کی خلاف ورزیوں کی حد کر دی ہے ۔اپنوں کو نوازنے کے کلچر نے تمام اداروں کو تباہ کر دیا ہے۔جو کہ مسلط کردہ حکومت سے یہی توقع تھی۔

بیان میں کہا گیا کہ ایس ایس ٹی گریڈ 17 کی آسامی ہوتی ہے اور گریڈ 16 اور 17 کی آسامیوں کی بھرتی کے لئے پبلک سروس کمیشن کا ادارہ ہے۔جو کہ لائق اور قابل نوجوانوں کے لئے امید کی کرنے ہے۔اور نیشنل پارٹی کے قاہد ڈاکٹر عبدالمالک بلوچ نے بحیثیت وزیراعلی بلوچستان پبلک سروس کمیشن میں شفافیت اور میرٹ کو برقرار رکھنے کے لئے چیرمین پبلک سروس کمیشن جسٹس ریٹائرڈ کیلاش کوہلی کو منتخب کیا اور چیرمین پبلک سروس کمیشن نے چارج سنبھالنے کے بعد ادارے کی ساکھ کو بحال کیا۔

(جاری ہے)

جس سے قابل اور محنتی نوجوانوں نے کامیابی حاصل کیں۔بیان میں کہا گیا کہ موجودہ حکومت ایس ایس ٹی کی سفارش اور میڑت کے برخلاف بھرتیاں کرکے محکمہ تعلیم کو تباہی کے دہانے پر لے جارہی ہیں۔جو کہ قابل اور محنتی نوجوانوں کے ساتھ محکمہ تعلیم کے ساتھ مکمل ناانصافی ہے جس کی نیشنل قطعا اجازت نہیں دیگی۔اور اس خطرناک اقرباپروری اور محکمہ تعلیم میں سیاسی دخل اندازی کے خلاف ہر فورم کو استعمال کریگی اور اہل نوجوانوں کے ساتھ ظلم نہیں ہونے دیگی۔