نصراللہ خان زیر کی بیجنگ میں سی پیک سے متعلق کانفرنس میں شرکت

(اُردو پوائنٹ اخبارتازہ ترین - آن لائن۔ 23 مارچ2019ء) آن لائن) پشتونخواملی عوامی پارٹی کے صوبائی ڈپٹی سیکرٹری رکن صوبائی اسمبلی نصراللہ خان زیرے نے گزشتہ دنوں چین کے دارالحکومت بیجنگ میںپاک چائنہ اقتصادری راہداری (سی پیک ) سے متعلق منعقدہ اعلیٰ سطحی کانفرنس میں شرکت کی۔ کانفرنسمیںوزیرخارجہ شاہ محمود قریشی ،ڈپٹی اسپیکر قومی اسمبلی قاسم خان سوری، گورنر بلوچستان امان اللہ خان یاسین زئی، بین الاقوامی ڈیپارٹمنٹ کے وزیر سونگ تائو ، پیپلز پارٹی کی سینٹر شیری رحمن ، مسلم لیگ ن کے سینٹر مشاہدحسین سید ، نیشنل پارٹی کے جان محمد بلیدی ، بی این پی کے اکبر مینگل ،خیبر پشتونخوا سے اے این پی کے ایم پی اے شگتفتہ، جے یوآئی (ف) کے ایم پی اے محمود احمد خان بیٹنی سمیت مختلف سیاسی جماعتوں کے نمائندوں اور دیگر افراد نے شرکت کی۔

(جاری ہے)

کانفرنس سے پشتونخوامیپ کے رکن صوبائی اسمبلی نصراللہ خان زیرے نے خطاب کرتے ہوئے کہا کہ پشتونخواملی عوامی پارٹی چین اور دیگر پڑوسی ممالک کے ساتھ دوستانہ تعلقات کی حمایت کرتی ہے ہم خارجہ پالیسی کی رہنماء کے اصولوں کے مطابق پرامن بقاء باہمی کے پانچ اصولوں کی حمایت کرتے ہیں پشتونخوامیپ امن و استحکام اور علاقائی تجارت کیلئے خطے میں امن اور خوشحالی کو فروغ دینے کو اہمیت دیتی ہے۔

پاک چائنہ اقتصادی راہداری (سی پیک ) میں پشتون بلوچ مشترکہ صوبہ بلوچستان اور خیبر پختونخوا کا سب سے اہم حصہ دار ہیں۔ صوبے میں سی پیک کے اہم بین الاقوامی اور علاقائی مراکز گوادر اور کوئٹہ ہیں۔ہمارا صوبہ چین کے مغربی حصے کو بحر ہ ہند اوربحرہ عرب کے علاقے سے منسلک کرنے کا سب سے چھوٹا راستہ فراہم کرتا ہے۔ زیادہ تر اہمیت یہ ہے کہ صوبہ گوادر سے افغانستان اور افغانستان سے وسطی ایشیا کے اہم علاقہ سے جوڑتا ہے۔

صوبے میں وسطی ایشیا اوربحرہ عرب کے علاقے کے ساتھ علاقائی تجارت کے لئے ایک مرکز بننے کا امکان ہے۔انہوں نے کہا کہ صوبہ قدرتی وسائل سے مالا مال ہے اور یہاں Rangelandموجود ہیںاور تقریبا 750 کلومیٹر طویل ساحل کے بیلٹ کا حامل ہے ایشیا میں کوئلہ، تانبے، سونے، کرومائٹ اور دیگر قیمتی معدنیات کا ایک بڑا ذخیرہ یہاں موجود ہے تاہم سی پیک کی حقیقی صلاحیت کا احساس کرتے ہوئے اور اس کی تکمیل کے لئے مندرجہ ذیل اقدامات کی ضرورت ہے۔

پشتونخوامیپ اس پر زور دیتی ہے کہ سی پیک کی حقیقی تجارت اور صلاحیت پاکستان اور افغانستان میں خاص طور پر خطے میں دہشت گردی اورفرقہ واریت کے خاتمے کے بغیر نہیں ہوسکتی۔ صوبے اورباقی پاکستان میں امن افغانستان میں امن سے منسلک ہے۔ افغانستان میں دہشت گردی تنظیموں کی عالمی دہشت گرد سرگرمیوں اور پاکستان میں اس کے اثرات میں سی پیک منصوبوں کو ایک بڑا خطرہ پیدا ہوسکتا ہے۔

افغانستان میں پائیدار امن ہی سے سی پیک ایک حقیقت بن سکتا ہے۔اسی طرح سی پیک کے مغربی روٹ (گوادر ، خضدار ، سوراب ، قلات ، کوئٹہ ، قلعہ سیف اللہ ، ژوب ،ڈیرہ اسماعیل خان) پر مشتمل ہے چین کے مغربی حصے سے منسلک کرنے کا سب سے کم فاصلے کا راستہ فراہم کرتا ہے۔ مغربی روٹ نام نہاد مشرقی روٹ سے زیادہ مختصر ہے۔مشرقی روٹ موسمی راستہ مون سون کے موسم میں سیلاب سے متاثر ہوسکتا ہے اور موسم سرما میں "دھند" کا مسئلہ ہے جبکہ مغربی روٹ تمام موسمیات میں ایک بہتر روٹ ہے اور کوئی دھند اور سیلاب کے مسائل نہیں ہیں۔

اس کے علاوہ مغربی روٹ کی ترقی میں نئے ترقیاتی مراکز پیدا کرنے اور بڑے شہروں پر اقتصادی بوجھ کو کم کرنے میں مدد ملے گی۔ مغربی روٹ کی تعمیر سے صوبے میں چین کی اچھی اور مثبت تصویر کو فروغ دے گی لیکن بدقسمتی سے سی پیک کے مغربی روٹ پر کام صفر ہے۔ ہم چینی حکومت سے درخواست کرتے ہیں کہ وہ مغربی روٹ (گوادر ، خضدار ، سوراب ، قلات ، کوئٹہ ، قلعہ سیف اللہ ، ژوب ،ڈیرہ اسماعیل خان) کی تعمیر و اپ گریڈ کو ترجیح دیتے ہوئے اس پر کام شروع کرے۔

انہوں نے کہا کہ چینی کمپنیوں نے پاکستان میں توانائی کے منصوبوں میں تقریبا 35 ارب امریکی ڈالر سرمایہ کاری کیئے ہیںلیکن افسوس ان منصوبوں میں سے صرف ایک ہمارے صوبے میں ہے۔ حالانکہ ہمارے صوبے میں شمسی ، ہوا اور کوئلہ سے بجلی کو پیدا کرنے کی زبردست صلاحیت ہے۔ صوبے کے پشتون علاقے میں اعلی معیار کے کوئلہ کے وسیع ذخائر ہیں اوریہ بجلی کے منصوبوں کے لئے مثالی ہے۔

اسی طرح جنوبی اور مرکزی بلوچستان شمسی اور ہوا کی توانائی کے منصوبوں کے لئے بہترین ہیں۔ صوبے میں 50فیصد بجلی کی کمی کا سامنا ہے بجلی کی قلت نے زراعت کے شعبے کو تباہ کر دیا ہے اورسی پیک کے تحت صنعتی ترقی کے لئے خطرہ پیدا کرسکتا ہے ۔لہٰذا ہم بلوچستان میں برقی بجلی پلانٹس قائم کرنے کے لئے چین کی حکومت سے درخواست کرتے ہیں۔انہوں نے کہاکہ صوبے میں خشک سالی وقحط سالی رہی ہے اور جب کبھی بارش ہوئی تو 70فیصد سے زیادہ بارش کا پانی ضائع ہوجاتا ہے ہمیں پانی کی کھپت کے ڈھانچے اور چھوٹے ڈیموں کی ضرورت ہے ہم چین کی حکومت سے صوبے میں چھوٹے ڈیموں اور پانی کی قلت دور کرنے کیلئے ڈیمز کی تعمیر اور سرمایہ کاری کرنے کی درخواست کرتے ہیں۔

انہوں نے کہا کہ ہم نے صوبے کے صنعتی پلانٹس اور یونٹس قائم کرنے کے لئے چین کی حکومت سے بھی درخواست کی ہے۔ ضلع پشین سے منسلک بوستان کا علاقہ خصوصی اقتصادی زون زراعت اور معدنیات سے متعلق شعبوں میں سرمایہ کاری کے لئے زبردست مواقع فراہم کرتا ہے ہمارے علاقے میں کرومائیٹ، سنگ مرمر، کوئلہ، تانبے کے وسیع ذخائر ہیں۔ چین کی حکومت نے سماجی اقتصادی ترقی اور پاکستان میں غربت کو کم کرنے کے لئے 1 ارب ڈالر کا اعلان کیا ہے اس گرانٹ میں ہمارے صوبے ، خیبر پشتونخوا اور وسطی پشتونخوا (فاٹا) کے علاقے پاکستان کے سب سے زیادہ محروم اور زیر آب علاقوںمیں شامل ہیںلہٰذا ہم چین کی حکومت سے مطالبہ کرتے ہیں کہ وہ ہمارے صوبے، خیبر پشتونخوا اور وسطی پشتونخوا ( فاٹا) کے ترقی اوروخوشحالی کے لئے پیش کردہ سماجی اقتصادی کا ایک بڑا حصہ مختص کرے۔

انہوں نے کہا کہ ہمارے صوبے میں نوجوان بڑی تعداد میں روزگارسے محروم ہے ہم چین کی حکومت سے بلوچستان کے پشتو ن اور بلوچ طالب علموں کو اعلی تعلیم وسکالر شپ اور تکنیکی تربیت فراہم کرنے کی درخواست کرتے ہیںتعلیمی اسکالرشپ اور تکنیکی تربیت سے خوشحالی اور چین کی مثبت تصویر سامنے آئیگی ۔ پشتونخواملی عوامی پارٹی کو امید ہے کہ چین کی حکومت سی پیک سے متعلق ہمارے عوام کی خدشات اور مطالبات پر غور کرے گی اور اس صوبے کی ترقی کو سی پیک منصوبوں میں پیش کرے گی۔