کوئٹہ، پی ڈی ایم کا 23مارچ کو اسلام آباد پہنچنے کا فیصلہ ہوگیاہے، مولانا حافظ حمد اللہ

منگل 7 دسمبر 2021 23:52

کوئٹہ(اُردو پوائنٹ اخبارتازہ ترین - آن لائن۔ 07 دسمبر2021ء) پاکستان ڈیموکریٹک موومنٹ کے مرکزی ترجمان مولانا حافظ حمد اللہ نے کہاہے کہ پی ڈی ایم کا 23مارچ کو اسلام آباد پہنچنے کا فیصلہ ہوگیاہے کہاجاتاہے کہ 23مارچ قومی دن ہے تو کیا ہم قوم سے علیحدہ مخلوق ہیں۔ان خیالات کااظہار انہوں نے گزشتہ روز وفاقی وزراء کے پی ڈی ایم کے اعلان پر بیانات پر ردعمل دیتے ہوئے کیا۔

انہوں نے کہاکہ جمہوریت کے لئے لاکھوں لوگ آئیں گے اس ملک میں آئین ہے نہ ہی جمہوریت، اسلام آباد پہنچنے کے بعد فیصلہ ہوگا کہ کتنے دن رکنا ہے اب پوری پی ڈی ایم ایک جماعت بن چکی ہے۔انہوں نے کہا کہ مہنگائی پرمارچ کرنیکافیصلہ کیاگیا ہے مہنگائی مارچ کیلئے طریقہ کارحکمت عملی وضع کی جائے گی سفارشات مرتب ہوں گی کہ 23مارچ کومہنگائی مارچ کیسے کامیاب بناناہے عوام کو آگاہی فراہم کرنے کیلئے ہمارے پاس ساڑھے 3ماہ ہیں۔

(جاری ہے)

ترجمان نے کہا کہ چاروں صوبوں میں کنونشن ہوں گے کراچی، کوئٹہ، پشاور اور لاہور میں کنونشنز کیے جائیں گے کل کے فیصلے کے مطابق شہبازشریف پنجاب میں اجلاس طلب کریں گے اویس الحق نورانی صوبائی اجلاس بلائیں گے، کوئٹہ میں پی ڈی ایم کی 8 جماعتیں ذمہ داری اداکریں گی محموداچکزئی کی سربراہی میں صوبائی سطح پر کوئٹہ کنونشن ہوگا پشاورکے کنونشن میں حکمت عملی مولاناصاحب کی ذمہ داری ہی