رحیم یار خان،ہاتھ اور پائوں سے معذور ہونہار طالبہ کرن اشتیاق کو 50ہزار نقد امداد ،اسکے بھائی کو ملازمت کے آرڈرز فراہم کر دیئے گئے

ہفتہ 5 جون 2021 22:24

رحیم یار خان(اُردو پوائنٹ اخبارتازہ ترین - این این آئی۔ 05 جون2021ء) وزیر اعلی پنجاب سردار عثمان بزدار کی ہدایت پر ضلعی انتظامیہ کی جانب سے ہاتھ اور پائوں سے معذور ہونہار طالبہ کرن اشتیاق کو 50ہزار نقد امداد اور اس کے بھائی خان اشتیاق کو محکمہ سول ڈیفنس میں ملازمت کے آرڈرز فراہم کر دیئے گئے۔وزیر اعلی پنجاب کی جانب سے نقد رقم اور ملازمت کے آرڈر اسسٹنٹ کمشنر (ایچ آر)ر یاست علی نے چک135پی میں معذور ہونہار طالبہ کرن اشتیاق کو اس کے گھر جا کر حوالہ کئے۔

اس موقع پر میڈیا سے گفتگو کرتے ہوئے اسسٹنٹ کمشنر ریاست علی نے کہا کہ وزیر اعلی پنجاب کے احکامات اور ڈپٹی کمشنر ڈاکٹر خرم شہزاد کی ہدایت پر ہونہار طالبہ کو امدادی چیک اور اس کے حقیقی بھائی خان اشتیاق کو محکمہ سول ڈیفنس میں ملازمت کے آرڈر فراہم کر دیئے گئے ہیں۔

(جاری ہے)

انہوں نے بتایا کہ کرن اشتیاق اس ضلع کا اثاثہ اور قدرتی طور پر مختلف صلاحیتوں سے محروم افرادکے لئے مثال ہیں کہ جنہوں نے اپنی معذوری کو کمزوری نہ بناتے ہوئے زندگی میں آگے بڑھنے کا فیصلہ کیا ۔

انہوں نے کہا کہ قبل ازیں بھی حکومت پنجاب نے اس ہونہار طالبہ کی صلاحیتوں کا اعتراف کرتے ہوئے اور اسے اعلی تعلیم کے مواقع فراہم کرنے کے لئی7لاکھ روپے کی مستقل امداد اس طالبہ کے ذاتی اکانٹ میں جمع کرائی ہے تاکہ کرن اشتیاق کی تعلیمی سرگرمیاں بغیر تعطل جاری رہیں۔انہوں نے بتایا کہ کرن اشتیاق کی درخواست پر حکومت پنجاب نے طالبہ کے والد اشیاق احمد(مرحوم )کوسرکاری ملازمت اور کرن اشتیاق کو کالج لانے لیجانے کے لئے موٹر سائیکل دی تھی اور اب اس طالبہ کے والد کی وفات کے بعد ان کے حقیقی بھائی خان اشتیاق کو وزیر اعلی پنجاب کی ہدایت پر سرکاری ملازمت کے آرڈرز دے دیئے گئے ہیں ۔

رحیم یار خان میں شائع ہونے والی مزید خبریں