ووٹ کی عزت دو کے نعرے لگان والوں کو عثمان بزدار حکومت گرانے کیلئے اپنے ووٹ کا استعمال کرنا چاہیے، بلاول بھٹو زر داری
اپوزیشن پارٹیاں بزدار حکومت کو نہیں گراتیں تو یہ ثابت ہو جائے گا کہ ان کی سیاست نہ مزاحمت کی سیاست اور نہ ہی مفاہمت کی سیاست ہے بلکہ منافقت کی سیاست ہے ،جب آپ بزدار کی حکومت کو گھر بھیجیں گے تو سلیکٹڈ وزیراعظم خود بخود گر جائیگا، خطاب
جمعہ 10 ستمبر 2021 00:04
(جاری ہے)
انہوں نے کہا کہ اگر اپوزیشن پارٹیاں بزدار حکومت کو نہیں گراتیں تو یہ ثابت ہو جائے گا کہ ان کی سیاست نہ مزاحمت کی سیاست اور نہ ہی مفاہمت کی سیاست ہے بلکہ منافقت کی سیاست ہے۔
پنجاب کے عوام منافقت کی سیاست کو رد کر دیں گے۔ دوغلی پالیسیوں سے کام نہیں چلے گا، یا تو آپ کو نااہل اور نالائق اور ناجائز حکومت کو چیلنج کرنا پڑے گا یا اس بات کا اعتراف کرنا پڑے گا کہ آپ اس سلیکٹڈ حکومت کے سہولت کار ہیں۔ جب آپ بزدار کی حکومت کو گھر بھیجیں گے تو یہ سلیکٹڈ وزیراعظم خود بخود گر جائے گا۔ انہوں نے کہا کہ ایک طرف تو آپ ووٹ کو عزت دو کی بات کرتے ہیں اور دوسری طرف آپ اپنے ووٹ کو استعمال ہیں نہیں کرنا چاہتے۔ اگر آپ اپنا ووٹ استعامل نہیں کرتے تو پنجاب کے عوام آپ کو معاف نہیں کریں گے۔ چیئرمین پی پی پی نے کہ پاکستان پیپلزپارٹی کی مقبولیت دن بدن زیادہ ہوتی جا رہی ہے اور اگلی حکومت وفاق میں بھی ہماری ہوگی اور صوبہ پنجاب میں بھی ہماری ہوگی۔ انہوں نے کہا کہ اس کے لئے پارٹی کو ہر جیالے کی ضرورت ہے جس نے کبھی بھی جئے بھٹو کا نعرہ لگایا ہے۔ انہوں نے کہا کہ پاکستان عوام حکومت اور پی پی پی کے منشور کے لئے آواز دے رہا ہے۔ عوام نے ن لیگ کی حکومت دیکھی ہے اور عمران خان کی بھی حکومت اور انہیں اب پتہ چل گیا ہے کہ ان دونوں کی حکومتوں کی کارکردگی پیپلزپارٹی کی حکومت کی کارکردگی کے مقابلے میں کچھ بھی نہیں۔ انہوں نے کہا کہ ایک کھلاڑی ملک کو تباہ کر رہا ہے۔ بلاول بھٹو زرداری نے قائد عوام کی لیڈرشپ کو یاد کرتے ہوئے کہا کہ انہوں نے معاشرے کے ہر طبقے کو ساتھ لے کر مل کو ترقی کی راہ پر گامزن کر دیا تھا۔ شہید ذوالفقار علی بھٹو پوری مسلم دنیا کے لیڈر تھے اور انہوں نے مسلم دنیا کو لاہور میں اکٹھا کر دیا تھا۔ جب قائد عوام ایک مرتبہ امریکہ کے دورے پر گئے تو امریکی صدر نے انہیں کہا کہ اگر وہ امریکی شہری ہوتے تو وہ ان کی کابینہ میں وزیر ہوتے۔ جس پر قائد عوام نے جوا ب دیا کہ اگر میں امریکی شہری ہوتا تو آپ کی جگہ میں امریکہ کا صدر ہوتا۔ اب یہ حالت ہے کہ ہمارا وزیر خارجہ اور اعلیٰ حکومتی عہدیدار امریکہ کے دورے کرکے ایک ٹیلی فون کال کی بھیک مانگ رہے ہیں۔ قائد عوام نے عوام سے کئے ہوئے وعدے پورے کئے اور غریب کسانوں کو زمین کا مالک بنایا اور سرداری نظام ختم کیا۔ اس سلیکٹڈ وزیراعظم نے عوام سے کئے ہوئے وعدے پورے نہیں کئے ، نہ ہی ایک کروڑ ملازمتیں دیں اور نہ ہی 50ہزاور گھر مہیا کئے۔ پیپلز پارٹی نے 2013 کی حکومت میں پاکستان گندم چاول ایکسپورٹ کر رہا تھا لیکن اس حکومت نے پاکستان غیرملکی کسانوں کی اگائی ہوئی اجناس امپورٹ کر رہا ہے اور پاکستان کے کسان تباہ حالی کا شکار ہیں۔ بلاول بھٹو زرداری نے کہا کہ اس وقت تاریخی مہنگائی، بیروزگاری اور غربت ہے۔ انہوں نے کہا کہ جب پیپلزپارٹی کے دور میں جب مہنگائی ہوئی تو حکومت نے غریبوں کو تنہا نہیں چھوڑا بلکہ تنخواہوں میں 120فیصد اور پنشن میں 100فیصد اضافہ کیا۔خواتین کو باختیار بنانے کے لئے بینظیر انکم سپورٹ پروگرام شروع کیا۔ اس کے مقابلے میں اس ظالم حکومت نے اسٹیل ملز کے 10ہزار ملازمین کو بیروزگار کیا اور حال ہی میں 20ہزار ملازمین کو وفاقی اداروں سے فارغ کر دیا۔ انہوں نے کہا کہ ہم ان 20ہزار ملازمین کے مسئلے کو عدالت میں چیلنج کریں گے۔ انہوں نے کہا کہ پیپلزپارٹی وہ واحد پارٹی ہے جو روزگار مہیا کرتی ہے جبکہ پی ایم ایل(ن) اور پی ٹی آئی عوام سے روزگار چھینتی ہے۔ انہوں نے کہا کہ حکومت میں آنے کے بعد یہ ہماری ذمہ داری ہے کہ عوام کو روزگار مہیا کریں اور ہم حکومت میں آکر ملازمتوں کے لئے نوجوانوں کو تربیت بھی دیں گے۔ چیئرمین بلاول بھٹو زرداری نے پارٹی کے جیالوں کو ہدایت کی کہ وہ پارٹی منشور لے کر گھر گھر جا کر پارٹی کا پیغام عوام تک پہنچائیں۔متعلقہ عنوان :
رحیم یار خان میں شائع ہونے والی مزید خبریں
گندم کی امدادی قیمت 3900 روپے فی من مقرر ہے، ڈپٹی کمشنررحیم یارخان
انجیو گرافی کی سہولت 15 سالوں سے دستیاب ہے،ترجمان شیخ زید ہسپتال رحیم یارخان
ن لیگی رہنما میاں امتیاز احمد کا ایل آر بی ٹی آئی ہسپتال کا دور ہ، آنکھوں کے مختلف شعبوں کا معائنہ
یو اے ای کی فلاحی کاموں کے حوالے سے خدمات مثالی ہیں،ڈپٹی کمشنررحیم یارخان
ماحول کو بہتر بنانے میں ہم سب کو اپنا کردار ادا کرنا ہوگا،سماجی رہنما فرحان عامر
ریسکیو 1122 کے زیر اہتمام زمین کے دن کے موقع پر ریلیوں کا انعقاد
صاف شفاف اور پر امن پولنگ کو ہر صورت میں یقینی بنایا جائے، ڈی آر او
پنجاب آرٹس کونسل بہاولپور کے زیر اہتمام بہاولنگر میں ضلعی سطح کے مقابلہ موسیقی 9 مئی منعقد ہوگا
دفعہ144کا نفاذ، امتحانی مراکز کے 100 میٹر کے اندر غیر متعلقہ افراد کے داخلے پر پابندی عائد
حلقہ پی پی266میں ضمنی انتخابات کے موقع پر دفعہ144کا نفاذ
علامہ اقبال ایکسپریس کے انجن میں آگ لگ گئی،ٹرینوں کی آمد ورفت کو معطل
ڈپٹی کمشنرکی زیرصدارت ڈسٹرکٹ پولیو ایریڈیکشن کمیٹی کا اجلاس
رحیم یار خان سے متعلقہ
پاکستان کی تازہ ترین خبریں
-
وزیراعظم شہباز شریف کل شہید کسٹمز انسپکٹر سید حسنین علی ترمذی کے اہل خانہ سےملاقات کے لئے ایبٹ آباد جائیں گے
-
سولر پینلز کی بے تحاشا انسٹالیشن،حکومت نے نیٹ میٹرنگ نرخ گرانے کی تیاری کرلی
-
برائلر گوشت کی قیمت میں مزید14روپے کلو کمی
-
مرد ڈاکٹرز کے مقابلے خواتین ڈاکٹرز بہتر اور بر وقت علاج کرتی ہیں
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
گجرات میں ہسپتال کی چھت گرنے پر وزیراعلیٰ کا سخت ایکشن
-
ایران کے صدر کا دورہ پاکستان بہت بڑی پیشرفت تھی،خواجہ آصف
-
اصولی جدوجہد سے ہرگز دستبردار نہیں ہوں گے، عمران خان
-
آئی ایم ایف مثبت رائے دیتا ہے توپاکستان میں سرمایہ کاروں کا اعتماد بڑھے گا،ڈونلڈ بلوم
-
اسلام آباد میں ضلعی انتظامیہ کا نان روٹی کی قیمتوں میں کمی کا نوٹیفکیشن 6 مئی تک معطل
-
وزارت اعلیٰ کی کرسی آسان نہیں تھی‘ آگ کے دریا سے گزر کر یہاں پہنچنا پڑا، مریم نواز