اُردو پوائنٹ پاکستان راولپنڈیراولپنڈی کی خبریںگندم کا بیج سیڈ گریڈر سے صاف کرانے کی ہدایت

گندم کا بیج سیڈ گریڈر سے صاف کرانے کی ہدایت

راولپنڈی 10نومبر(اُردو پوائنٹ اخبارتازہ ترین۔ 10 نومبر2017ء)محکمہ زراعت راولپنڈی نے کاشتکار وں کو ہدایت کی ہے کہ گندم کی کاشت کیلئے صاف ستھرا بیج استعمال کریں جبکہ بوائی کے لئے پہلی فصل کا ذخیرہ شدہ بیج کاشت سے قبل سیڈ گریڈر کے ذریعے صاف کروایا جائے ۔ ترجمان نے بتایاکہ کاشتکاروں کے لئے شعبہ زراعت (توسیع )کے تمام مراکز کی سطح پرسیڈ گریڈرز کی مفت سہولت مہیا کی گئی ہے ۔

(خبر جاری ہے)

ان سے نہ صرف گندم کے بیج کی بہت اچھی طرح صفائی ہو جاتی ہے بلکہ سیڈگریڈر سے بیج گندم کے چھوٹے اور بیمار دانوں کے علاوہ جڑی بوٹیوں کے بیجوں سے بھی پاک ہو جاتا ہے۔ گندم کے کاشتکاروں کو چاہئے کہ اس سہولت سے فائدہ اٹھائیں اور بوائی سے پہلے بیج کو سیڈ گریڈر سے اچھی طرح صاف کرو ا لیں۔ بوائی سے قبل ذخیرہ کردہ بیج کا شرح اگائو معلوم کرلیں۔ بیج کے اگائو کی شرح 85فیصد سے ہر گز کم نہیں ہونی چاہیے بصورت دیگر شرح بیج میں مناسب اضافہ کرلیں ۔

اپنی رائے کا اظہار کریں -

راولپنڈی شہر کی مزید خبریں