پنجاب میں 5 دہشت گرد اور انکے سہولت کار گرفتار

24 مشتبہ افراد کو گرفتار کرکے قبضے سے غیرقانونی اسلحہ برآمد کیا گیا، آئی ایس پی آر

منگل 17 جولائی 2018 22:28

پنجاب میں 5 دہشت گرد اور انکے سہولت کار گرفتار
راولپنڈی(اُردو پوائنٹ اخبارتازہ ترین - آن لائن۔ 17 جولائی2018ء) سکیورٹی فورسز نے پنجاب کے مختلف شہروں میں کامیاب کارروائی کرتے ہوئے 5 دہشت گرد اور ان کے سہولت کاروں کو گرفتار کرلیا۔

(جاری ہے)

پاک فوج کے شعبہ تعلقات عامہ(آئی ایس پی آر)کے مطابق پنجاب رینجرز، پولیس اور قانون نافذ کرنے والے اداروں نے لاہور، ڈیرہ غازی خان، اٹک، سیالکوٹ، میانوالی اور فیصل آباد میں خفیہ اطلاعات پر آپریشنز اور چیکنگ کی۔

ترجمان آئی ایس پی آر کا کہنا ہے کہ آپریشنز اور چیکنگ کے دوران 5 دہشت گردوں اور ان کے سہولت کاروں کو گرفتار کیا گیا ہے۔ترجمان آئی ایس پی آر نے بتایا کہ دہشت گردوں اور سہولت کاروں کی گرفتاری لاہور اور ڈیرہ غازی خان سے ہوئی ہے جب کہ 24 مشتبہ افراد کو بھی گرفتار کیا گیا ہے جن کے قبضے سے غیرقانونی اسلحہ برآمد کیا گیا۔

راولپنڈی میں شائع ہونے والی مزید خبریں