کربلا میں نواسہ رسولؐ کی شجاعت و بہادری کی رقم بے مثال داستان کو قیامت تک فراموش نہیں کیا جاسکتا، وزیر اطلاعات پنجاب

ہفتہ 22 ستمبر 2018 14:25

کربلا میں نواسہ رسولؐ کی شجاعت و بہادری کی رقم بے مثال داستان کو قیامت تک فراموش نہیں کیا جاسکتا، وزیر اطلاعات پنجاب
راولپنڈی (اُردو پوائنٹ اخبارتازہ ترین - این این آئی۔ 22 ستمبر2018ء) وزیر اطلاعات پنجاب فیاض الحسن چوہان نے کہا ہے کہ کربلا میں نواسہ رسول ؐ نے یزید کے خلاف کلمہ حق بلند کر تے ہوئے شجاعت و بہادری کی جو بے مثال داستان رقم کی ہے اسے قیامت تک فراموش نہیں کیا جا سکتا ․ انہو ںنے کہا کہ عاشور ہ محرم ہمیں ہر ظلم کے سامنے ڈٹ جانے کا درس دیتا ہے ․ انہو ںنے یہ بات شکریال راولپنڈی میں مجلس عزا کے موقع پر عزاداروں سے گفتگو کرتے ہوئے کہی ۔

(جاری ہے)

وزیر اطلاعات و ثقافت نے کہا کہ امام عالی مقام ؓ نے حق و باطل کے مابین فیصلہ کن معرکے میں دین حق کی خاطر اپنے جان نثار ساتھیوں کے ہمراہ اپنی جان قربان کر کے رہتی دنیا تک اسلام کا علم بلند کیا ․ انہو ںنے کہا کہ ہمیں اسوہ شبیری ؓسے سبق سیکھ کر زندگی کے ہر شعبے میں حق کا ساتھ دینے کا عہد کرنا چاہئے۔

راولپنڈی میں شائع ہونے والی مزید خبریں