ہمارا یہ ماننا ہے کہ ”رب سب کا“ ،بھارتی صحافی کے یہ کہنے پر کہ ’اللہ میاں بھی ہماری سائڈ ہیں‘ ڈی جی آئی ایس پی آرکا جواب

راولپنڈی(اردوپوائنٹ اخبار تازہ ترین ۔ 16جون2019ء) ڈی جی آئی ایس پی آر میجر جنرل آصف غفور نے کہا ہے کہ ہمارا یہ ماننا ہے کہ ”رب سب کا“ ، ہر کسی کو اپنے خدا کی عبادت کا حق ہے، ہمارا خدا اللہ ہے اور آپ کو اپکے خدا کی عبادت کا حق ہے لیکن ہمارے خدا کا انکار مت کریں۔ بھارتی صحافی کے یہ کہنے پر کہ ’اللہ میاں بھی ہماری سائڈ ہیں‘ ڈی جی آئی ایس پی آرنے ٹویٹر پیغام میں جواب دیا ہے کہ ہمارا یہ ماننا ہے کہ ”رب سب کا“ ۔

واضح رہے کہ بھارتی سینئیر صحافی نے پاک بھارت میچ کے حوالے سے اپنے ٹویٹر پیغام میں ڈی جی آئی ایس پی آر کو مخاطب کر کے کہا کہ ”غفور صاحب!’اللہ میاں بھی ہماری سائڈ ہیں‘ “۔ اس ٹویٹ کے جواب میں پاکستانی افواج کے شعبہ تعلقاتِ عامہ کے ڈائریکٹر جنرل میجر جنرل آصف غفور نے کہا کہ ہمارا یہ ماننا ہے کہ ”رب سب کا“ ، انہوں نے کہا کہ ہر کسی کو اپنے خدا کی عبادت کا حق ہے، ہمارا خدا اللہ ہے اور آپ کو اپکے خدا کی عبادت کا حق ہے لیکن ہمارے خدا کا انکار مت کریں۔

(جاری ہے)

ڈی جی آئی ایس پی آر نے کہا کہ جو ٹیم اچھا کھیلے گی وہ جیت جائے گی،ہو سکتا ہے ہم جیت جائیں یا ہو سکتا ہے کہ ہم ہار جائیں لیکن ہماری دعائیں ہماری ٹیم کے ساتھ ہیں۔