ملک سے دہشت گردی کا مکمل خاتمہ یقینی بنائیں گے، آرمی چیف

شہداء کی قربانیاں رائیگاں نہیں جائیں گی،پاکستان میں مکمل امن لائیں گے، جنرل قمر جاوید باجوہ کی پشاور کور ہیڈ کوارٹرز دورے کے موقع پر گفتگو

جمعہ 21 جنوری 2022 23:58

ملک سے دہشت گردی کا مکمل خاتمہ یقینی بنائیں گے، آرمی چیف
راولپنڈی(اُردو پوائنٹ اخبارتازہ ترین - این این آئی۔ 21 جنوری2022ء) آرمی چیف جنرل قمر جاوید باجوہ نے کہا ہے کہ ملک سے دہشت گردی کا مکمل خاتمہ یقینی بنائیں گے، شہداء کی قربانیاں رائیگاں نہیں جائیں گی،پاکستان میں مکمل امن لائیں گے۔آئی ایس پی آر کے مطابق آرمی چیف جنرل قمر جاوید باجوہ نے پشاور کور ہیڈ کوارٹرز کا دورہ کیا جہاں آرمی چیف کو تازہ ترین سکیورٹی صورتِ حال اور پاک افغان بارڈر پر باڑ لگانے کے عمل سمیت کے پی میں ضم ہونے والے نئے اضلاع میں ترقیاتی کاموں سے آگاہ کیا گیا۔

(جاری ہے)

اس موقع پر آرمی چیف جنرل قمر جاوید باجوہ نے اس عزم کا اعادہ کیا کہ پاک فوج ملک سے دہشت گردی کا مکمل خاتمہ یقینی بنائے گی۔بہادر قبائیلیوں سمیت پاک فوج، ایف سی، لیویز، خاصہ دار اور پولیس کے جوانوں اور افسران کی قربانیاں کو خراج عقیدت پیش کرتے ہوئے آرمی چیف نے کہا کہ امن کے حصول کے لیے بہایا گیا شہداء کا خون رائیگاں نہیں جائے گا، پاکستان میں مکمل امن لائیں گے۔آرمی چیف جنرل قمر جاوید باجوہ نے سماجی و اقتصادی ترقی کے لیے سازگار ماحول کی فراہمی پر سکیورٹی فورسز کی کوششوں کو بھی سراہا۔قبل ازیں آرمی چیف کے پشاور پہنچنے پر کور کمانڈر لیفٹیننٹ جنرل فیض حمید نے ان کا استقبال کیا۔

راولپنڈی میں شائع ہونے والی مزید خبریں