تھانہ نصیر آبادپولیس کی کارروائی ،شادی کی تقریب میں آتش بازی کرنیوالی5ملزمان گرفتار ،مقدمہ درج کرلیا

پیر 25 جنوری 2021 23:43

راولپنڈی(اُردو پوائنٹ اخبارتازہ ترین - این این آئی۔ 25 جنوری2021ء) تھانہ نصیر آبادپولیس نے کارروائی کرتے ہوئے شادی کی تقریب میں آتش بازی کرنے والی5ملزمان گرفتار کر کے ،سامان آتش بازی برآمد کر کے مقدمہ درج کرلیا۔

(جاری ہے)

تفصیلات کے مطابق راولپنڈی پولیس کا آتش بازی کرنے والوں اور آتش بازی کا سامان فروخت کرنے والوں کے خلاف کاروائیوں کا سلسلہ جاری ہے، ایس ایچ او نصیرآباد نے اپنی ٹیم کے ہمراہ کاروائی کرتے ہوئے شادی کی تقریب میں آتش بازی کرنے والے 05ملزمان کو گرفتا رکرلیا، گرفتار ملزمان میںقربان حسین، احتشام جاوید، وقاراحمد، ازان دائود اور وسیم سجاد شامل ہیں، ملزمان کے قبضہ سے 125عدد ہوائیاں، 07عدد آنار،49عدد سوتر گولے برآمد ہوئے، ملزمان کے خلاف مقدمہ درج کر لیاگیا، ایس پی پوٹھوہار نے ایس ایچ او نصیر آباد اور پولیس ٹیم کو شاباش دیتے ہوئے کہا کہ آتش بازی کے ذریعے عوام کی جان و مال کو خطرے میں ڈالنے والوں کے ساتھ آہنی ہاتھوں سے نمٹا جائے۔