ایف آئی اے کی کارروائی 2 ملین سے زائد غیر ملکی کرنسی برآمد

غیرقانونی خرید و فروخت، حوالہ ہنڈی میں ملوث کمپنیز کیخلاف کارروائی جاری رہے گی، ڈائریکٹر وقار احمد چوہان

ہفتہ 27 نومبر 2021 14:39

راولپنڈی (اُردو پوائنٹ اخبارتازہ ترین - این این آئی۔ 27 نومبر2021ء) وفاقی تحقیقاتی ادارے (ایف آئی ای) کمرشل بینکنگ سرکل نے راولپنڈی میں کارروائی کرتے ہوئے غیر قانونی حوالہ ہنڈی، کرنسی خرید و فروخت میں ملوث ایکسچینج کمپنی کے آفس پر چھاپہ مارا، چھاپے میں 2 کروڑ23 لاکھ پاکستانی روپے اور 2.2 ملین مالیت کی غیرملکی کرنسی برآمد کی گئی۔

(جاری ہے)

ڈی جی ایف آئی اے ڈاکٹر ثناء اللّٰہ عباسی کی ہدایات پر ایف آئی اے کمرشل بینکنگ سرکل نے کارروائی میں منیجر عامر منظور اور انیس حیدر شاہ رنگے ہاتھوں گرفتار کرلئے گئے۔

برانچ سے بغیر ریکارڈ کے کیپٹل سے زیادہ کرنسی برآمد ہونے پر مقدمہ درج کرکے تفتیش شروع کردی گئی۔ ایف آئی اے ٹیم کی جانب سے 5 گھنٹے کی تمام کارروائی کی ویڈیو ریکارڈنگ بھی کی گئی، کرنسی ایکسچینج یونین کے صدر اور سیکرٹری بھی چھاپہ کے دوران ہمراہ تھے۔ڈائریکٹر وقار احمد چوہان کا کہنا ہے کہ غیرقانونی خرید و فروخت، حوالہ ہنڈی میں ملوث کمپنیز کیخلاف کارروائی جاری رہے گی۔