موٹاپے کا شکار نور الحسن کو سپرد خاک کر دیا گیا

منگل 9 جولائی 2019 20:12

صادق آباد(اُردو پوائنٹ اخبارتازہ ترین - آن لائن۔ 09 جولائی2019ء) لاہور کے نجی اسپتال میں انتقال کرنیوالے نور الحسن کو سپرد خاک کر دیا گیا۔تفصیلات کے مطابق لاہور کے نجی اسپتال میں انتقال کرنیوالے نور الحسن کی نماز جنازہ ادا کی گئی۔

(جاری ہے)

نور الحسن کی نماز جنازہ مرکزی عیدگاہ میں ادا کی گئی جس میں رشتے داروں،اہل علاقہ اور عوام نے بڑی تعداد میں شرکت کی جس کے بعد نور الحسن کو سپردخاک کر دیا گیا اسپتال ذرائع کے مطابق نورالحسن تین ہفتے سے لاہور کے نجی اسپتال میں زیر علاج تھا جہاں اس کادس روز قبل آپریشن کیا گیا تھا، ڈاکٹروں نے نور الحسن کا آپریشن کرکے اس کے معدے کا سائز چھوٹا کردیا تھا اور آپریشن کو کامیاب قرار دیا تھا۔

آپریشن کے بعد نورالحسن کو آئی سی یو میں داخل کیا گیا تھا جہاں وہ پیر کے روز اچانک انتقال کرگیا۔واضح رہے کہ صادق آباد سے تعلق رکھنے والے موٹاپے کے شکار ٹیکسی ڈرائیور نورحسن کو گھر کی دیوار توڑ کر باہر لایا گیا تھا اور ائیرایمبولینس کے ذریعے لاہور بھجوایا گیا تھا۔تین سو تیس کلو وزی نور الحسن کو علاج کیلئے آرمی چیف کی ہدایت پر صادق آباد سے لاہور کے نجی اسپتال میں آرمی ہیلی کاپٹر میں منتقل کیا گیا تھا۔