ْ ٹنڈوآدم پولیس کی کارروئی ، بدنام زمانہ اشتہاری ملزم کر گرفتار ، اسلحہ بھی برآمد

پیر 19 نومبر 2018 21:55

سانگھڑ(اُردو پوائنٹ اخبارتازہ ترین - آن لائن۔ 19 نومبر2018ء) سانگھڑ ایس ایس پی سانگھڑ زیشان شفیق صدیقی نے کہا ہے کہ ٹنڈوآدم پولیس نے انتہائی سنگین مقدمات میں ملوث بدنام زمانہ دہشت کی علامت سمجھا جانے والا اشتہاری ملزم کریم بخش عرف کرو رند کو گرفتار کر کے اسلحہ بھی برآمد کیا ہے۔

(جاری ہے)

اپنے آفس میں پریس کانفرنس کرتے انھوں نے بتایا کہ ملزم مختلف تھانوں پر 35 سے زائد سنگین مقدمات میں پولیس کو مطلوب تھا 2015 میں سانگھڑ پولیس کو ملزم کی گرفتاری اور سر کی قیمت بیس لاکھ روپے کی حکومت سندھ کو سفارش کی تھی جو کہ منظوری نہیں ہوئی اس سلسلے میں ایس ایچ اوتعلقہ اسلم بلٴْو اور ڈی ایس پی ایوب بروہی کاوشیں شامل ہیںانھوں نے مزید کہا کہ آئی جی سندھ کی خصوصی ہدایات پر عمل کرتے ہوئے منشیات مہم کا آغاز کیا گیا اس مہم کے دو ران ایک ہفتے میں 55 کلو چرس 1 کلو افیون 3ہزار 5 سو لیٹر کچی شراب اور بھاری مقدار میں گٹکا برآمد اور 2 ہزار 15 اشتہاری ملزمان گرفتار کیئے گئے جب کہ منشیات فروشی میں ملوث 143 ملزمان کے خلاف مقدمات درج کیے گئے ہیںانھوں نے ایک سوال کے جواب میں کہا کہ منشیات کے مقدمات میں قانون میں بہت رعایت کی گنجائش موجود ہے جس کی وجہ سے ملزمان بچ جاتے ہیں اگر قانون میں سخت سزاؤں کا تعین کیا جائے تو منشیات فروشی کے واقعات میں کمی آسکتی ہے ۔