بھاری مقدار میں شراب سمگلنگ کی کوشش ناکام ،2ملزمان گرفتار

پیر 18 نومبر 2019 17:35

سرگودھا ۔18نومبر(اُردو پوائنٹ اخبارتازہ ترین - اے پی پی۔ 18 نومبر2019ء) تھانہ کینٹ پولیس نے منشیات سمگلنگ کی کوشش ناکام بنادی ،ہنڈائی ڈالہ سے آٹھ ہزارکُپی شراب برآمد کرکے 2 ملزمان کو گرفتار کر کے اُن کے خلاف مقدمہ درج کرلیا گیا۔ تفصیلات کے مطابق ڈسٹرکٹ پولیس آفیسر سرگودہا حسن مشتاق سکھیرا کی ہدایت پرمنشیات فروشوں کے خلاف کاروائی کرتے ہوئے سب ڈویژنل پولیس آفیسر سٹی سرکل اے ایس پی احمد شاہ کی نگرانی میں ایس ایچ او تھانہ کینٹ انسپکٹر قیصر عباس نے سب انسپکٹر محمد عثمان پر مشتمل ٹیم کے ہمراہ چن ون پلازہ یونیورسٹی روڈ سرگودھاناکہ بندی کرکے چیکنگ کر رہے تھے کہ مخبر کی اطلاع پر ہنڈائی ڈالہ نمبریLWC-5198کو روک کر چیک کرنے پر چار ہزارلیٹر شراب برآمد ہوئی ۔

اس سلسلہ میںتھانہ کینٹ میں پریس کانفرنس کا انعقاد کیا گیا جس میںسب ڈویژنل پولیس آفیسر اے ایس پی سٹی سرکل احمد شاہ نے میڈیا نمائندگان کو تفصیلات سے آگاہ کرتے ہوئے کہا کہ ہنڈائی ڈالہ میں دو ملزمان اُسامہ حماد ولد محمد شفیق سکنہ چانن پورہ سلانوالی حال فاروق کالونی اور محمد اسلم ولد احمد خان سکنہ اسلام نگر فیصل آباد سوار تھے جو کہ یہ شراب فیصل آباد سے لیکر آ رہے تھے جنہوں نے سرگودھا کے مختلف علاقوں میں اس کی سپلائی کرنا تھی۔

(جاری ہے)

گرفتارملزمان کے خلاف منشیات سمگلنگ کی دفعات کے تحت تھانہ کینٹ میں مقدمہ درج کرلیا گیا ہے۔