سرگودھا‘ پانچ روزہ انسداد پولیو مہم‘ چھ لاکھ 48ہزار سے زائد بچوں کو پولیو سے بچائو کے قطرے پلائے جائیں گے

سرگودہا(اُردو پوائنٹ اخبارتازہ ترین - این این آئی۔ 22 ستمبر2020ء) سرگودھا میں پانچ روزہ انسداد پولیو مہم میں چھ لاکھ 48ہزار سے زائد بچوں کو پولیو سے بچائو کے قطرے پلانے کے لئے محکمہ صحت کی 1460موبائل ‘198 مستقل ‘14رومنگ ‘ 67ٹرانزٹ ٹیموں کے چار ہزار سے زائد اہلکار گھر گھر جا کر بچوں کوپولیو سے بچاو کے قطرے پلا نے میں مصروف عمل ہیں۔زرائع کے مطابق ڈی ایچ کیو ٹیچنگ ہسپتال سے پانچ روزہ انسداد پولیو مہم کے آغاز پر انسداد پولیو مہم کے لئے قائم کاونٹر پر پانچ سال تک کے بچوں کو پولیو کے قطرے پلائے جا رہے ہیں سی او ہیلتھ اتھارٹی ڈاکٹر رائے سمیع اللہ ‘ ڈی ایچ او ڈاکٹر سہیل اصغر قاضی اور پی ایم اے کے صدر ڈاکٹر سکند حیات وڑائچ نے بتایاکہ ضلع بھر میں انسداد پولیو مہم میں چھ لاکھ 48ہزار سے زائد بچوں کو پولیو سے بچاو کے قطرے پلائے جارہے ہیں جن کیلئے محکمہ صحت کی 1460موبائل ‘198 مستقل ‘14رومنگ اور 67ٹرانزٹ ٹیموں کے چار ہزار سے زائد اہلکار گھر گھر جا کر بچوں کوپولیو سے بچا ؤ کے قطرے پلانے میں مصروف ہیں ۔

(جاری ہے)

انہوں نے بتایاکہ پولیو ورکرز کو کرونا سے بچاو کیلئے تھرمل گن ‘ ماسک او رسینی ٹائرز کی فراہمی کو یقینی بنایا گیاہے ۔ انہوں نے کہاکہ کورونا کے باعث انسداد پولیو مہم متاثر ہوئی اب دوبارہ نئے جذبے کے ساتھ کام جاری ہے ۔ ڈپٹی کمشنر نے پولیو مہم کا جائزہ لیتے ہوئے کہاکہ زراسی کوتاہی زندگی بھر کا پچھتاوا ہے ۔والدین پولیو ٹیموں سے مکمل تعاون کریں ۔

انہوں نے کہاکہ ہمارے گردونواح میں پولیو کے کنفرم کیس جبکہ ماحول میں وائرس موجود ہے لہذاہمیں انتہائی الرٹ رہنا ہوگا اور بحیثیت پاکستانی اس مہم کو کامیابی سے ہم کنار کرنا ہوگا۔ انہوں نے کہاکہ بدقسمتی سے پاکستان او رافغانستان دنیا کے صرف دو ممالک ہیں جہاں پولیو وائرس موجود ہے ۔ ہمیں اس کو شکست دینا ہو گی۔ ڈپٹی کمشنر عبداللہ نیئر شیخ نے مختلف علاقوں میں کام کرنے ولی پولیو ٹیموں کاموقع پر جا کر کام اور رفتار کا جائزہ لیا۔انہوں نے مختلف گھروں پر جا کر والدین سے ملاقات کی اور ان سے پولیو ورکرز بارے دریافت کیا۔ انہوں نے والدین پر زور دیا کہ پولیو سے بچاو کے دو قطرے ضرور پلائیں۔