شیخوپورہ ،ضلعی انتظامیہ کے زیر اہتمام کشمیری بھائیوں سے اظہار یکجہتی اور بھارتی مظالم کیخلاف سیمینار اور خواتین کی ریلی کا انعقاد کیا گیا

جمعہ ستمبر 18:02

شیخوپورہ (اُردو پوائنٹ اخبارتازہ ترین - این این آئی۔ 20 ستمبر2019ء) حکومت پاکستان اور وزیر اعلی پنجاب سردار عثمان بزدار کی ہدایت پرضلعی انتظامیہ کے زیر اہتمام ہفتہ وارانہ علامتی اجتجاج کے حوالے سے کشمیری بھائیوں سے اظہار یکجہتی اور بھارتی مظالم کے خلاف ایک سیمنار اور خواتین کی ریلی کا انعقاد طاہرہ قاضی شہید ہائی سکول میں کیا گیا جس کی قیادت ڈپٹی کمشنر شیخوپورہ سید طارق محمود بخاری اور صوبائی وزیر برائے قدرتی آفات میاں خالد محمود نے کی ۔

کشمیر ی بھائیوں سے اظہار یکجہتی کے حوالے سے نکالی گئی ریلی میں اسسٹنٹ کمشنر شیخوپورہ شبیر حسین بٹ ، چیف ایگزیکٹو آفیسر ایجوکیشن افتخار احمد ،چیف آفیسر ضلع کونسل ملک منشا،جاوید چوہان سمیت خواتین ،سول سوسائٹی کے نمائندوں اور مختلف مکاتب فکر سے تعلق رکھنے والے افراد کی کثیر تعداد نے شرکت کی۔

(جاری ہے)

شرکاء ریلی نے مختلف بینر ز اور پلے کارڈ اٹھا رکھے تھے جن پر کشمیری بھائیوں کے ساتھ اظہار یکجہتی اور بھارتی مظالم کے خلاف نعرے درج تھے۔

شرکاء ریلی بار بار کشمیر بنے گا پاکستان، بھارتی مظالم نامنظور کے نعرے لگاتے رہے اس موقع پر شرکاء ریلی سے خطاب کرتے ہوئے ڈپٹی کمشنر شیخوپورہ سید طارق محمود بخاری نے کہا کہ امن ہماری ترجیح ہے کسی قسم کی بھارتی جارحیت کا منہ توڑ جواب دینے کے لیے قوم کا ہرفرد افواج پاکستان کے شانہ بشانہ کھڑے ہونے کی تیار ہے ۔صوبائی وزیر برائے قدرتی آفات میاں خالد محمود نے اس موقع پر کہاکہ بھاتی فوج کشمیریوں پرجوظلم و بربریت کے پہاڑ ڈھارہی ہیں اس کو فورآ بند ہونا چاہیے اور کشمیر کے مستقبل کا فیصلہ اقوام متحدہ کی قرار داوں کے مطابق ہونا چاہیے۔آخر میں کشمیر کی سلامتی اور آزادی کی لیے دعا بھی کی گئی۔

شیخوپورہ شہر میں شائع ہونے والی مزید خبریں:

Your Thoughts and Comments