عوام الناس کے تحفظ کو یقینی بنانا موٹروے پولیس کی اولین ترجیح ہے‘ امداد اللہ شاہد

شیخوپورہ(اُردو پوائنٹ اخبارتازہ ترین - این این آئی۔ 24 مئی2025ء) آئی جی موٹروے پولیس بی اے ناصر کی خصوصی ہدایات پر ڈپٹی کمانڈنٹ پولیس ٹریننگ کالج این ایچ ایم پی شیخوپورہ ایس پی امداداللہ شاہد کی قیادت میں موٹروے پولیس روڈ سیفٹی کے لئے پرعزم ہے۔ اسی ضمن میں گورنمنٹ ہائی سکول فار بوائز بھکھی میں روڈ سیفٹی سیمینار کا اہتمام کیا گیا۔ جس میں انچارج روڈ سیفٹی پولیس ٹریننگ کالج شیخوپورہ تنویر تبسم نیازی نے بابت روڈ سیفٹی مکمل آگاہی فراہم کی۔

(جاری ہے)

اس موقع پر انکے ہمراہ پی آر او سید محمد قوی حیدر زیدی اور سینئر صحافیوں میاں اظہر نوید ، صدر نیشنل پریس کلب بھکھی امانت علی بھٹی ڈاکٹر ذوالفقار آرائیں سمیت صحافیوں کی کثیر تعداد موجود تھی۔امداد اللہ شاہد نے کہا کہ روڈ یوزرز اور عوام الناس کے تحفظ کو یقینی بنانا موٹروے پولیس کی اولین ترجیح ہے۔ عوام الناس اور روڈ یوزرز نے موٹروے پولیس کے ان اقدامات کو سراہتے ہوئے مستقبل قریب میں بھی ان سے نیک خواہشات کا اظہار کیا۔اختتام پر سر زکریا اور صدر نیشنل پریس کلب بھکھی حاجی رانا الیاس کو موٹروے افسران کی طرف سے گفٹ ہیمپر بھی دیئے گئے ۔