الیکشن کمیشن آف پاکستان نے پنجاب اسمبلی کے حلقہ پی پی 52 سمبڑیال کے ضمنی انتخابات کا شیڈول جاری کر دیا

سیالکوٹ (اُردو پوائنٹ اخبارتازہ ترین - اے پی پی۔ 18 اپریل2025ء) الیکشن کمیشن آف پاکستان نے ضلع سیالکوٹ کے پنجاب اسمبلی کے حلقہ پی پی 52 سمبڑیال کے ضمنی انتخابات کا شیڈول جاری کردیا۔الیکشن کمیشن آف پاکستان کی جانب سے جاری نوٹیفیکیشن کے مطابق ڈپٹی کمشنر محمد ذوالقرنین لنگڑیال کے ڈسٹرکٹ ریٹرننگ آفیسر اور ایڈیشنل ڈپٹی کمشنر ریونیو محمد اقبال سنگھیڑا ریٹرننگ آفیسر کی ذمہ داری انجام دیں گے۔

(جاری ہے)

یکم جون بروز اتوار پی پی 52 کے ضمنی انتخابات کیلئے ووٹنگ ہوگی ، 22 اپریل کو پبلک نوٹس ہوگا۔ 23 سے 25 اپریل تک امیدواروں سے کاغذات نامزدگی وصول کئے جائیں گے۔ 26 اپریل کو امیدواروں کی فہرستیں آویزاں کی جائیں گی ، 30 اپریل تک کاغذات نامزدگی کی سکروٹنی کی آخری تاریخ ہوگی۔ 3 مئی تک ریٹرننگ افسر کے فیصلہ کے خلاف اپیل کی جاسکے گی۔ 10 مئی تک اپیلٹ ٹریبونل تمام درخواستیں نمٹانے کا پابند ہوگا ، 11 مئی تک امیدواروں کی فائنل فہرستیں آویزاں کردی جائیں گی۔ 12 مئی کاغذات نامزدگی واپس لینے کی آخری تاریخ ہوگی جبکہ 13 مئی کو انتخابی نشانات الاٹ کئے جائیں گے۔