سوئی گیس لوڈشیڈنگ اور پریشر کمی کی شکایات کا ازالہ کیا جائے، آل سکھراسمال ٹریڈرز اینڈ کاٹیج انڈسٹریز

جمعہ 16 نومبر 2018 18:16

سکھر۔ (اُردو پوائنٹ اخبارتازہ ترین - اے پی پی۔ 16 نومبر2018ء) آل سکھر اسمال ٹریڈرز اینڈ کاٹیج انڈسٹریز کے بانی و قائد حاجی محمد ہارون میمن نے کہا ہے کہ سوئی گیس لوڈشیڈنگ اور پریشر کمی کی شکایات کا ازالہ کیا جائے، جاری کردہ اعلامیہ کیمطابق اپنے دفتر میں شہر کے مختلف علاقوں سے آنے والے علاقہ مکینوں اور تاجروں کے وفود سے گفتگو کرتے ہوئے انہوں نے کہا کہ موسم سرما کے ابتدائی دنوں سے لیکر اب تک گھریلو اور کاروباری صارفین سوئی گیس کی لوڈشیڈنگ اور پریشر کمی کی شکایات کررہے ہیں ،گیس کی بڑھتی ہوئی لوڈشیڈنگ اور پریشر کمی سے جہاں گھروں میں خواتین کو امور خانہ داری کی انجام دہی میں شدید مشکلات کا سامنا ہے وہاں ہوٹل مالکان سمیت دیگر کاروبار کیلئے استعمال میں آنے والی گیس کے صارفین شدید ذہبی اذیت سے دوچار ہیں۔

(جاری ہے)

گھروں میں کھانا تیار کرنے میں شدید دشواری ہے اور لوگوں کا کاروبار بھی بے انتہا متاثر ہورہا ہے۔ انہوں نے مطالبہ کیا کہ سوئی گیس کی غیر اعلانیہ لوڈشیڈنگ اور گیس پریشر کمی کا مسئلہ فوری طور پر حل کرایا جائے ۔