خورشید شاہ کا درخواست ضمانت دائر کرنے سے انکار

مجھ پر نیب کرپشن ثابت کرے یا با عزت بری کرے تاکہ سیاسی انتقام لینے والوں پر مقدمہ دائر کر سکوں، رہنما پیپلزپارٹی

اتوار 17 نومبر 2019 16:55

سکھر(اُردو پوائنٹ اخبارتازہ ترین - این این آئی۔ 17 نومبر2019ء) پیپلزپارٹی کے رہنما سید خور شید احمد شاہ نے ضمانت پر رہائی سے صاف انکار کردیا۔پیپلزپارٹی کے رہنما سید خور شید احمد شاہ نے ضمانت پر رہائی سے صاف انکار کرتے ہوئے اپنے وکلا سے کہا ہے کہ مجھ پر نیب کرپشن ثابت کرے یا با عزت بری کرے تاکہ سیاسی انتقام لینے والوں پر مقدمہ دائر کر سکوں، نیب کو مزید ایک سال کا ریمانڈ دیا جائے تاکہ وہ جھوٹے الزامات کو ثابت کر سکے۔

(جاری ہے)

وکلا کی ٹیم سے ملاقات کے دوران انھوں نے ضمانت کے پیپرز پر دستخط کرنے سے انکار کرتے ہوئے کہا کہ نیب سکھر نے میری کردار کشی کی اور میرا میڈیا ٹرائل کرایا۔خور شید شاہ کے وکیل مکیش کمار کارڑا کے بقول خورشید شاہ نے کہا کہ ایک ہی الزام میں ان پر تین بار نیب نے جھوٹے مقدمے بنائے، دو مقدموں میں سندھ ہائیکورٹ اور سپریم کورٹ نے با عزت بری کیا۔