وفاقی محکموں کے خلاف شکایات کی صورت میں وفاقی محتسب آفس سکھر سے رابطہ کیا جائے،انچارج وفاقی محتسب سکھر

جمعرات 20 جون 2019 21:57

سکھر۔ (اُردو پوائنٹ اخبارتازہ ترین - اے پی پی۔ 20 جون2019ء) وفاقی محتسب ریجنل آفیس سکھر کے انچارج پروفیسر ڈاکٹر عبدالقیوم منگی نے جاری کرد ہ ایک اعلامیہ میں بتایا ہے کہ وفاقی محتسب طاہر شہباز کی خصوصی ہدایات پر وفاقی اداروں کے خلاف عوام کی شکایات کا فوری طور پر ازالہ کیا جارہا ہے اس لئے سکھرا ور لاڑکانہ ڈویژن کی عوام کو چاہیے کہ وہ وفاقی محکموں جیسے واپڈا، نادرا، سوئی گیس، پاکستان بیت المال، بینظیر انکم سپورٹ پروگرام، پاکستان ریلوے، پاکستان پوسٹ، اسٹیٹ لائیف انشورنس اور ای او بی آئی سمیت مختلف وفاقی محکموں کے خلاف اپنی شکایات وفاقی محتسب ریجنل آفیس سکھر ارسال کریں اس سلسلے میں انہیں فوری طور پر انصاف فراہم کیا جائے گا۔

(جاری ہے)

انہوں نے مزید بتایا کہ کہ وفاقی محکموں کے خلاف ویب سائیٹ www.mohtasib.gov.pk پر آن لائن بھی شکایات درج کی جاسکتی ہیں جن کی آگہی انہیں بذریعہ ایس ایم ایس دی جائیگی۔و فاقی محتسب ریجنل آفیس سکھر کے جاری کردہ اعلامیہ کے مطابق جنوری سے مئی 2019تک سیپکو اور گیس کی 245مختلف کیسز کے فیصلوں پر عملد رآمد کراکے لوگوں کو رلیف فراہم کیا گیا ہے۔