دکانوں کی کرائے داری بڑھانے کیلئے دوبارہ نیلامی کرائی جا رہی ہے ،ایڈمنسٹریٹر سکھر

بدھ 2 دسمبر 2020 18:31

سکھر(اُردو پوائنٹ اخبارتازہ ترین - این این آئی۔ 02 دسمبر2020ء) سکھر میونسپل کارپوریشن کے کے ایڈمنسٹریٹر نثار میمن نے کہا ہے کہ سکھر میونسپل کارپوریشن کی ملکیت پر تعمیر شدہ دکانوں کی کرائے داری بڑھانے کیلئے دوبارہ نیلامی کرائی جا رہی ہے جس کے باعث ادارے کو پندرہ سے بیس کروڑ روپے کا فائدہ ہوگا ، شہر میں روزانہ کی بنیاد پر 1.

(جاری ہے)

5میٹرک ٹن کچرہ اٹھا کر جلایا جا رہا ہے ان خیالات کا اظہار انہوں نے اپنے دفتر میں سکھر پریس کلب کیلئے پانچ لاکھ کا چیک اور مختلف ریٹائرڈ ملازمین کو ڈیفرنس رقم کے چیک تقسیم کے دوران صحافیوں سے گفتگو کے دوران کیا اس موقع پر پاکستان فیڈرل یونین آف جرنلسٹس کے نائب صدر لالہ اسد پٹھان ، سکھر پریس کلب کے جنرل سیکریٹری یاسر فاروقی ، جوائنٹ سیکرٹری کامران شیخ نے سکھر پریس کلب کا چیک وصول کر کے سکھر پریس کلب کے مینجر اسلم دایو کے حوالے کیا ، صحافیوں سے گفتگوکرتے ہوئے سکھر میونسپل کارپوریشن کے کے ایڈمنسٹریٹر نثار میمن نے مزید کہا کہ میونسپل کارپوریشن کی ملکیت پر قائم دکانوں کے کرائے داری میں کئی سالوں سے اضافہ نہیں ہوا ہے جس کی وجہ سے دوبارہ ٹینڈر کراکے دکانیں الاٹ کی جائیگی سکھر شہر میں سابق مئیر سکھر ارسلان اسلام شیخ کے بلدیاتی دور میں شروع کردہ ترقیاتی کام 80فیصد تک مکمل ہو چکا ہے ، پرانہ سکھر سمیت دیگر علاقوں میں انسداد تجاوزات آپریشن جاری ہے کسی کو بھی غیر قانونی تعمیرات کی اجازت ہر گرز نہیں سے سے سکتے ، سکھر میونسپل کارپوریشن کے ملازمین کے جائز مسائل کے حل کیلئے ہر ممکن کوشش کر رہے ہیں ۔