سکھر، شہر کے بیشتر علاقوں میں گیس کی غیر اعلانیہ لوڈ شیڈنگ جاری

سکھر(اُردو پوائنٹ اخبارتازہ ترین - این این آئی۔ 04 دسمبر2020ء) شہر کے بیشتر علاقوں میں گیس کی غیر اعلانیہ لوڈ شیڈنگ جاری ،سماجی تنظیموں کی جانب سے خالی برتن اور ڈھول بجا کر انوکھا احتجاجی مظاہرہ،نعرے بازی، بالا حکام سے نوٹس لینے کا مطالبہ تفصیلات کے مطابق گیس کی غیر اعلانیہ لوڈ شیڈنگ اور پریشر میں کمی کے خلاف شہریوں کی بڑی تعداد نے سکھر کی سول سوسائٹی کے زیر اہتمام واری دادو چوک پر برتن، ،چولہے رکھ کر ڈھول کی تھاپ پر سوئی گیس انتظامیہ کے خلاف نعرے بازی کرتے ہوئے انوکھا احتجاجی مظاہرہ کیا مظاہرے میں شامل ایک مظاہرین نے چولہے پر رکھے برتن میں بیٹھ احتجاج کیا،مظاہرے کی قیادت سول سوسائٹی کے نمائندگان نصیر گوپانگ،وقار علی سومرو ،نعیم بلوچ،حبیب اللہ انصاری و دیگر کا کہنا تھا کہ ملک کے دیگر علاقوں کی طرح سکھر میں بھی موسم سرما کی آمد سے قبل ہی سوئی سدرن گیس کمپنی سکھر ریجن نے اپنا رنگ دیکھنا شروع کر دیا ہے ، موسم سرما کی آمد سے قبل ہی شہر کے مختلف علاقوں واری تڑ روڈ ،شمس آباد،بیراج روڈ ، نیو پنڈ ، مائیکرو کالونی ، پرانہ سکھر ، جیلانی روڈ ، ٹکر محلہ ، پیر مراد شاہ کالونی ، انجن شیڈ کالونی ، فرئیر روڈ سکھر ، بند ر روڈ ، ملٹری روڈ ، نواں گوٹھ، پرانہ سکھر و دیگر رہائشی علاقوں میں گیس کی غیر اعلانیہ لوڈ شیڈنگ سمیت گیس پریشر کمی کر کے شہریوں کو دوہرے عذاب میں مبتلا کیا جا رہا ہے ، عوامی شکایات کے باوجود سوئی سدرن گیس کمپنی سکھر ریجن کے افسران و عملے کے کانوں میں جوں تک نہیں رینگ رہی ہے ، گیس کی لوڈ شیڈنگ اور گیس پریشر میں کمی کے باعث جہاں کاروباری زندگی شدید متاثر ہے ویہی گھریلوں امور خانہ داری کے سلسلے میں خواتین کو بھی مشکلات پیش آرہی ہے مظاہرین نے بالا حکام سے نوٹس لیکر شہریوں کو گیس کے حوالے سے درپیش مشکلات سے نجات دلانے کا پرزور مطالبہ کیا ہے۔