سکھر،والد سے جھگڑے پر نوجوان نے طیش میں آخر خودکو سر پرگولی مار لی

سکھر(اُردو پوائنٹ اخبارتازہ ترین - این این آئی۔ 04 دسمبر2020ء) والد سے جھگڑے پر نوجوان نے طیش میں آخر خودکو سر پرگولی مار لی،نوجوان زخموں کی تاپ نہ لاتے ہوئے چل بسا ،نعش گھر پہنچنے پر کہرام،ماں پر غشی کے دورے ،واقعہ بیٹے اور والد کے درمیان معمولی رنجش کے باعث پیش آیا ،پولیس تفصیلات کے مطابق تھانہ بی سیکشن کی حدود مشن روڈ نزد سوداگران اسپتال کے قریب معیز لکھپتی ولد محمدمراد لکھپتی المعروف امین پینٹ والے نے اپنے والد مراد سے معمولی بات ہر ہونے والے جھگڑے کے دوران طیش میں آکر گھر سے نکل کر سڑک کے درمیان کھڑے ہوکر اپنے سر پر گولی چلا دی جس کے نتیجے میں نوجوان شدید زخمی ہوگیا خودکشی کی کوشش کرنے والے نوجوان معیز لکھپتی کو انتہائی تشویش ناک حالت میں سول اسپتال منتقل کیا گیا جہاں ڈاکٹروں نے ابتدائی طبی امداد فراہم کرکے لاڑکانہ منتقل کردیا منتقلی کے دوران نوجوان زخموں کی تاپ نہ لاتے ہوئے چل بسا پولیس نے والد اور عینی شاہدین کے بیان قلمبند کرکے نعش پوسٹ مارٹم کے بعد ورثائ کے حوالے کردی پولیس کی ابتدائی تفتیش کے مطابق پچیس سالہ معیز نے اپنے والد مراد سے جھگڑا ہونے پر خود کے سر پر گولی ماری ہے مزید تفتیش کررہے ہیں نعش گھر پہنچے پر کہرام مچ گیا اور علاقے میں سوگ کی فضائ پھیل گئی۔

(جاری ہے)

جوانسالہ معیز کی خودکشی کی اطلاع پر عزیز و اقارب سمیت سکھر کی سیاسی وسماجی رہنماؤں کی جانب سے تعزیت کا سلسلہ جاری ہے۔