سکھرمیونسپل کارپوریشن کے عملے کی نااہلی،شہر کے رہائشی و تجارتی مراکز گندگی کے ڈھیر میں تبدیل ہوگئے

سکھر(اُردو پوائنٹ اخبارتازہ ترین - این این آئی۔ 04 دسمبر2020ء) سکھرمیونسپل کارپوریشن کے عملے کی نااہلی،شہر کیرہائشی و تجارتی مراکز گندگی کے ڈھیر میں تبدیل ہوگئے،بیماریاں پھیلنیکا خدشہ بڑھ گیا ،شہری حلقوں میں تشویش کی لہردوڑ گئی،صوبائی وزیر بلدیات و دیگر بالا حکام سے نوٹس لیکر شہریوں کو بلدیاتی سہولیات فراہمی کا پرزور مطالبہ تفصیلات کے مطابق شہر سکھر میں محکمہ پبلک ہیلتھ اور سکھر میونسپل کارپوریشن کے عملے کی مجرمانہ غفلت اور مسلسل لاپرواہی کے باعث شہر کے مختلف علاقوں مائیکرو کالونی،نیو پنڈ ،جیلانی روڈ ،انجن شیڈ کالونی سمیت دیگر علاقوں میں صفائی ستھرائی نہ ہونے کی وجہ سے شہر کے تجارتی و کاروباری مراکز کے بعد شہر کی مصروف ترین سڑکوں سمیت رہائشی علاقوں کی گلیاں و سڑکیں گندگی کے ڈھیر کا منظر پیش کر رہی ہیں، صفائی کے عملے نے شہری و تجارتی مرکز سے گندگی کے ڈھیر اٹھانے کے بجائے کچہرہ کنڈی بنانا شروع کردیا ہے جبکہ رہائشی علاقوں سمیت مختلف چوراہوں پر پڑے گندگی کے ڈھیر سے اٹھنے والے تعفن کی وجہ سے مختلف بیماریاں پھیلنے کا خدشہ بھی حد سے زائد بڑھ گیا ہے شہری حلقوں سمیت شہریوں و دکانداروں نے سکھر انتظامیہ کی ناقص کارکردگی کو سخت تنقید کا نشانہ بناتے ہوئیصوبائی وزیر بلدیات، ایڈمنسٹریٹر سکھر ، میونسپل کمشنر و دیگر متعلقہ اداروں کے بالا حکام سے نوٹس لیکر شہریوں کو بنیادی و بلدیاتی سہولیات فراہمی کا پرزور مطالبہ کیا ہے۔