ضلعی انتظامیہ سکھر کی جانب سی6تا10دسمبر تک انسانی حقوق کا ہفتہ منانے کا فیصلہ

ہفتہ 4 دسمبر 2021 21:22

سکھر(اُردو پوائنٹ اخبارتازہ ترین - این این آئی۔ 04 دسمبر2021ء) ضلعی انتظامیہ سکھر کی جانب سے انسانی حقوق کی خلاف ورزی، بچوں سے زیادتی کے واقعات کی روک تھام، چائلڈ لیبر سمیت دیگر امور کے سلسلے میں 06 دسمبر تا 10 دسمبر تک انسانی حقوق کا ہفتہ منانے کا فیصلہ۔ اس سلسلے میں ہفتے کے دوران سرکاری، غیر سرکاری ادارے، نجی تنظیمیں، اسکولز، کالجز، سول سوسائٹی، شہری اور دیگر معاشرے کے سرکردہ افراد کو آن بورڈ لیا جائے گا۔

ڈپٹی کمشنر سکھر جاوید احمد کی خصوصی ہدایت پر ایڈیشنل ڈپٹی کمشنر ماجد علی ماکو کی زیر صدارت اجلاس ڈی سی آفس کے کانفرنس ہال میں منعقد ہوا۔

(جاری ہے)

اجلاس میں مزید فیصلہ کیا گیا کہ انسانی حقوق کی پاسداری کے لیے ضلعی انتظامیہ سکھر کی جانب سے 6 دسمبر تا 10 دسمبر تک ہفتہ منایا جائے گا جس کے لیے ا اسکولزکے طلبہ ٹیبلوز پیش کریں گے اور سوشل ویلفیئر شعور کی بیداری کے لیے منصوبہ بندی کریں اور ایک روز میں رپورٹ فراہم کریں انہوں نے کہا کہ شہر بھر میں انسانی حقوق کے خلاف ورزی جیسے عمل کے خلاف آواز بلند کرنے کے لیے عوام میں شعور کی بیداری کے لیے پوسٹرز، بینرز، پینا فلیکس کے ذریعے جاگرتا پیدا کی جائے اس سلسلے میں آگاہی واک بھی کی جائے گی اور ہفتے کے آخری روز اعلیٰ سطحی سیمینار منعقد کیا جائے گا جس میں مہمان خاص کمشنر سکھر ڈویڑن ہونگے سیمینار کے اختتام پر کامیاب اور کارکردگی کا مظاہرہ کرنے والوں میں تعریفی شیلڈز تقسیم کی جائیں گی۔