صوابی ،پولیس کی سماج دشمن عناصر کیخلاف 12 مقامات پر کارروائیاں،11 ملزمان گرفتار ،اسلحہ ایمونیشن کی بڑی کھیپ برآمد کرلی

جمعہ 20 مئی 2022 22:02

صوابی(اُردو پوائنٹ اخبارتازہ ترین - این این آئی۔ 20 مئی2022ء) صوابی پولیس نے جرائم اور سماج دشمن عناصر کیخلاف 12 مقامات پر کارروائی کرکے 11 ملزمان گرفتار کرکے اسلحہ ایمونیشن کی بڑی کھیپ برآمد کرلی ایک کلاشنکوف، 01 رائفل M-16،پانچ عدد پستول، 12 مختلف میگزین اور 170عدد کارتوس برآمدکر لی۔پانچ سہولت کاروں سمیت 11 مشتبہ افراد گرفتارکر لئے۔

(جاری ہے)

ڈی پی او آفس سے جاری پریس ریلیز کے مطابق صوابی پولیس نے سماجی و معاشرتی جرائم اور سماج دشمن سرگرمیوں کے خلاف زیرنگرانی ایس ڈی پی او صوابی فاروق زمان گرینڈ آپریشن کرتے ہوئے اس دوران ایس ایچ او صوابی سب انسپکٹر الطاف خان بمع بھاری نفری پولیس نے دیہہ مانیری، پیر تاب بانڈہ، پنج پیر، سلیم خان، مینئی، بام خیل و دیگر گرد نواح میں 12 مقامات پر کاروائی کی، اس دوران پانچ سہولت کاروں سمیت 11 مشتبہ افراد کو گرفتار کرکے ملزمان کے قبضے سے مختلف بور کا اسلحہ بمع درجنوں کارتوس برآمد کیا گیا۔

سرچ آپریشن کا مقصد علاقے میں امن و امان یقینی بنانا، عوام کی جان و مال کی حفاظت اور مثالی پر امن معاشرے کا قیام میں لانا ہے۔